Werrokoggokonna kohtun sel 9. juli 1873.

                            Mann olli Päkohtumees: Jaan Melz.

                                             Kohtumees: Peter Werro.

                                             Kohtumees  Peter Warrer

Michel Järpõld kaiwas: et Hindrik Mõttus teddä kolm kõrd wäega ränkäste pähä lönu om, ni et pääst rummalas ollewat jänu, moido olles temmä  wai ärrä tapnu sis sai Hindrik Mõttusse habbenis kinni sis jät lömisse maha sis kui minnol temmä habbenist kinni olli sis tulli Jürri Kirjotaja ja purri käest werre wäljä, 

tunnistaja kes sääl näiwä: Jürri Hakmann Jürri Zopp Peter Sibbol Michel Täht. -

Hindrik Mõttus wastutas: et Michel Jarpõld tahtnu kiik päiw jo tülli tettä, sis minna tälle kül kopsi keppikessega, et minne umhede minno mant ärrä, ja jättä minno rahhu, sis tahtse habbenid minnol mahha kaksada kui Jürri Kirjotaja es olles appi tullun

tunnistaja kes näiwä: Jurri Hakmann Peter Melzär Johann Trei Michel Täht ja Jürri Kirjotaja.

Tunnistaja: Jüri Hakmann Peter Sibbol ja Jürri Zopp: tunnistase kiik üttewisi nida. Eddimält nemmä sääl larmitsi sis üttel Hindrik Mõttus kulle Michel sinno essä soet selgit koere ilma päle, sis üttel Michel Järpõld Kulle Hindrik minno essä soet kronu päle soldatit kost tupli mihhi omma, ent sinna essi soetat litse:  -  Sis lei Hindrik Mõttus wäega ränkäste Michel Järpõllale kolm kõrd nuijaga pähä, ni et innemine piddi nõrkuma, sis wõtt Michel kül Hindriki habbenist kinni. -

Peter Melzär tunnistas: minna es näe mina olli wina sanu ei malledäka. -

Johann Trei tunnistas: minna es näe muud kui Hindrik Mõttus üts kõrd nuijaka Melhel Järpõllale pähä lei. -

Michel Täht tunnistas: minna wina sanu minna ei mälledä. -

Jürri Kirjotajat ei olle koggokonna kohhus tunnistajas wasta wõtnu selle perräst et temma om Mõttusel abbin olnu ja Michel Järpõlda käest purnu nink pälegi suggulasse. -

Moistet: Hindrik Mõttus mas Michel Järpõllale eggä lögi eest 3. rubli  ülle kolme lögi 9. rubl nink maswa mõllemba, kumbki 3. rubl trahwi                        waeste hääs Michel Järpõld 3. rubl ja Hindrik Mõttus 3. rubl, selle perräst et nemmä kortsin jowa nink tappelnu omma. -

                Moistminne kulutet sel 9. juli 1873.

Hindrik Mottus kulutas et temma moistmissega selleperräst rahhu ei olle, et Michel Jarpollale temmä habbena kakmisse eest midagi moistet ei olle. -

Sel 16. juli 1873.

                                    Päkohtumees: Jaan Melz.

                                       Kohtumees  Peter Werro  XXX

                                       Kohtumees: Peter Wahher

Se prottokoll wäljäantu sel 18. juli 1873.

                                          Koggokonna kohtu kirjotaja P. Zopp.