Werro koggokonna wallitsussen sel 17. sep. 1873.

                         koon olli wallawannemb Peter Parweots

                                         Wöölmöldre  Peter Zopp

                                         Wöölmoldre Ado Nawwi

Kaibaminne Selle koggokonna Riitsaru tallo Nr 59. perremees Karli Riitsaar om ette tulnu nink kaibanu et maamõõdja selle kõrralisse maa jaggamisse aigo üts tük hainamaad, mes selle maja krundi sissen saisap kronu metsawahhile om andnu; mes sis selle läbbiselle een nimmi-

tedu tallule jälle sures ette puttumisses nink pahhandusses saap

Et se assi saas parrandetus selleperräst pallep Karli Riitsar, et se hainama tük saas ärrä wahhedetus sedda wisi: et se tuk temmale saas, nink metsawahhile saas temmä piriwere haina maast nisamma paljo, mes sellesamma huwwi üsse sissen saisap wasta antu. - 

2, et metsawahhile temma hainamast läbbi karja tee om antu, ni kawwetahe kui jõeni, mes ka kuhhalt woimata nink sures pahantusses om

Selle kaibamisse päle om wallawallitsusse polest sedda asja lasknu ülle kaeda: Ne ülle kaeja olliwa koggokonna wöölmoldre Ado Nawwi, nõu-

mihhe Jürri Hakmann Johann Wahher ja Karli Pund. 

Ne nimmitetu mihhet tunnistusse perrast seddä kui nemmä seddä asja haste läbbi ommawa kaenu  Et se kaibus ilm asjanda ei olle, enge et se hainama kohhalt halwaste om, mes temmä maa krundist metsawahhile wäljä om antu, nink et se wahhedaminne kohhalt süntsä saas, selle haina ma tukkika mes Karli Riitsaar wasta tahhap anda.

Nisamma om läbbikaemissen kohhalt wõimatummaks arwatu, et se karja tee Karli Riitsare hainamaast läbbi om pantu, mes ka eggal ajal sures tullis nink kahjos saap ollema, palegi ei olle ka selle eest selle majale maad wasta antu. -

Koggokonna wallitsus om hääs arwanu seddä wahhetamist selle hainama tukkika, ni et sis selwisil ka se karja tee mõtsawahhile omma krundi sisse saap. 

Sedda asja saije wallawallitsusse poolt maa mõõdjalle ette pantus nink palleltus et ta saas umbre wahhedetus, nink sel wisil ärrä parrande-

tus, ent ma mõõdja ei olle sedda asja ennamb kulda wõtnu enge om seddä koggokonna wallitsusse hääs arwamist ärrä tõuganu

Et koggokonna wallitsussel seddä asja ommast jõuwwust ei woi parranda selleperräst saab se selle nimmitu mihhe kaibus nink palwe neide ammedimeeste üllekaemisse tunnistus ja koggokonna wallitsusse hääs arwaminne Keisriliko Domaini wallitsusse ette pantus nink palleltus, seddä asja ülle kullelda selleda nink selle asja ülle otsust anda.

                                               Wallawannemb: Peter Parweots.

                                               Woolmolder Peter Zopp

                                                            do      Ado Nawwi

                                                          Kirjotaja P Zopp.