Werro koggokonna kohtun sel 23. juli 1873.

                              Man olli Päkohtumees: Jaan Melz.

                                             Kohtumees. Peter Werro.

                                             Kohtumees: Peter Wahher

Ants Mitt sai Keisriliko Vtama Kihhelkonna kohtu kirja sest 29. mais sub Nr 1528 perra sijä koggokonna kohtu ette kutsutus ja nõutus mes temä kaipas, ja temma kaibas et temmäl ollewat welle Karli käest 1. koorma hainu ja 4 rubl 50. kop rahha ja se tarre eest kon temma ellas 25. rubl sada sis kui ne kik omma wäljä mastu sis woip temma ärrä minnä 

Karli Mitt wastutas et temmä olli welle Antsa se koorma hainu 4. rubli eest kaubelnu, ja nüüd ollewat 4. mõdu rükki ärrä masnu ni et tassa ollew, ja 4. rubl 50. kop ollewat kül massa, ent se tarre om jo temmä omma wanna hone mes temma essi olli tõiste paika pandnu ja Ants ka too eest abbin olnu et temmä sääl sissen selle ajastaija ellänü om ja mes wahsest manno lats palke om Karli manno pandnu.

tunnistaja Michel Andrei tunnistas minna minna muud ei tijä kui 1. koorma hainu ennegi Karli Antso käest sai

Jaan Metshärg tunnistas muud ei tijä kui min(n)a möda käwwe sis nai et Ants olli ka sis honet teggemän kui Karli essigi teggi

Moistet  et neil ei olle kumb kummalgi middägi sada se 4,50 kop jääp selle eest Karlile et temmä om Antsule maad ja ülles piddamist sanu. -

ja Ants Mitt peap sis iks sel 31. julil sest wallas ärrä minnema ja saap se suwwe wiljä perra mes temmal Karli ma pääle tettu om selle perrast et wallawallitsus jo tälle käsknu olli Jürri päiwäs plats puhas olla. -

                                     Päkohtumees: Jaan Melz. XXX

                                     Kohtumees: Peter Wahher. XXX

                                     Kohtumees: Peter Werro.  XXX

                                                       Kirjot P Zopp.