Peter nink Jürri Onnoperrä omma mollemba kohtu mees Peter Werro manno kaibama lännu. Peter Onnoperä om kaiwanu et Jürri temmä naist lönu ja tanno lahki tõmmanu, kohtumees Peter Werro kaenu et tanno om lahki liggi pääd olnu saalt ei olle mänestki arpi pää küllen olnu, kui säält tanno lahki tõmmatas kost tanno liggi pääd om sis peap ka arp perrä jäma

Jürri Onnoperrä kaiwanu et Peter naine Katre temma 7. asta wanna poiga hirmsal wisil pesnu hiusist kinni wõtnu ja pääd saina wasta pesnu et suust nõnnast werd om joosknu ent Jürri ei essi weel kottonki olnu, sis kui Jürri koddo tulnu sis lännü Peter naine Katre sennä puid wõtma konn Jürri tööd olli tennu, ja Jürri üttelnu kui sinna woitminno laetse ni ränkäste lüwwä kui ärrä tappa, se om jo kolmas kõrd seddä sul tettä, nüüd minna ei jättä kohtu katte andmada. - Selle päle tahtnu Katre kohtuhe ette minnä

Sis tulliwa koggokonna kohtu ette ja kaipsi nisamma kui siin üllewäl om ülles kirjotet mes kohtu mees Peter Werroleki olli kaiwanu, ja Peter Onnoperrä and Ants Kõiwsaar tunnistajas ja nännu kui Jürri temma naist lönu ollewat, ent Jürri ei tahha Ants Kõiwsaart tunnistas wõtta selleperräst et nemmä wihhamihe omma, ja and omma emmä tunnistajas mes neile mollembile ihholik emmä om. -

Ants Kõiwsaar tunnistas: et minna nai et Jürri sais Peter naise Katreka wastatsiku, õige selgest minna es kule mes na kõnnõli, ent löömist minnas es näe et kumb kumbagi putte. -

Neide em(m)ä Katre Onnoperrä tunnistas: et se olli jo kolmas wai neljäs kõrd, etse Peter ja temmä naine seddä Jürri last ni armetul wisil omma pesnu, - minna eggä kõrd seddä es awwaldagi, toperräst et säl olles larmi tõsnu, nüüd sel korral ne latse mänge sis olli Jürri poig Peter poiga kaknu ja Peter poig lannu ja üttelnu ommale emmäle ärrä sis tulli Katre ja wõt Jürri poja hiusist kinni ja pes pääd ni aida saina wasta et sel latsel suust nõnnast werd joosk, - ent tood minna es näe kunnas Jürri Peter naisele lei. -

Mõistet: Selleperräst et Peter naine enne Jürri latsele rängäste pesnu ollnu lät Peter wai temmä naine 3. päiwäs türmi, et tunnistaja omma üttelnu et Jürri ei ollew Peter naist lönü  Sis arwas Peterel seddä ette kanda ollew. -

Märkus: abbi Mi Nawwi Peter Werro assemel.