Ernitz Joakit om sel 10mal Nowembril 1850 kaddunu Peter Hanku warrantus henda kätte sanu, kui temma selle Peter Hanku läsja Marri hendale naises wõtse; nida kui siin allan om ülles kirjotedu, Andrus Malleusse nink Peter Puka tunnistusse perra: 

Ernitz Joakiti kätte sadu warrantus:

2 Hobbest

5 Lehma

2 Härga

1 Hõhwakenne

5 lammast

2 Kitse

1 Sikk

8 Zikka

3me Puuwankre

3 Rekki

3 Attra

1te Telle

1 Kapp

2 Kapsta tõrdut

2 Reiwa kirstu

1 Kattal

3 Kirwest

Ernitz Joakit om sellest warrantussest Peter Hanku lastele ärra andnu:

Tüttar Marjale	1 Lehm	1 Lammas
"  Lisale	1  "	1  "
"  Maiele	1  "
Poja Janile	1  2	1  "	1 Zigga
Ärra andnu	4 Lehma	3 Lammast	1 Zigga

Ernitz Joakiti kätte jääp weel sellest warrantussest perra, nink om ärra kalutu selle aja hinna perra, mes ehk sel ajal wäärt om olnu:

2 Hobbest	30 Rbl	Kop.
1 Lehm	9
1 Härg	10
1 Hõhwakenne	4
7 Zikka	14
2 Kitze	2
1 Sikk	2
3me Wankri	3
3 Rekke	1
2 Attra	1
1te Telle	2
1 Kapp	1
2 Kapsta tõrdut	1
2 Kirstu		50
3 Kirwest		50
Summa	81 Rbl.	Kop.
Ernitz Joakit om Peter Hanku wõlga ärra masnu	34
Jääp weel perra	47 Rbl.	Kop.

 Ernitz Joakit om sellest wõllast mes sel 10 Nowembril 1850 Peter Hankul olli, ärra masnu:

Maggasi wõlg
6 1/3 wakka Rükki	10 Rbl.	13 Kop.
4 wakka Keswi	4
9 1/2 wakka Karu	7	60
Mõisa wõlg	12	27
Ütte kokko	34 rBL.	Kop.

Se rahha 47 Rubla mes sellest Peter Hanku warrantussest weel Ernitz Joakiti käen om, saap Ernitz Hank selle, et temma middaki muud sellest omma essa Peter Hanku warrantussest ei olle sanu. Ernitz Joakit om kigest sellest Peter Hankust perra jänu warrantussest Peter Hanku wije latsele ärra jagganu, nida kui jo üllewan nimmitedu om.

Ernitz Joakit andse ülles et temmal weel muud wõlga om massa, mes temma muide käest om lainanu, nimmelt:

Isak Ratseppa käest	40 Rubla
Tawit Ruusa käest	19  "
Ernitz Hankule massa	47  "
Ernitz Joakiti wõlg ütte kokko	106 Rubla

Selle koggokonna kohto een ärra selletedu Peter Hanku perrantajade ossajaggamisse, kui ka muide wõllade selletusse man, om koggokonna kohhus arwanu nink lõidnu et Ernitz Joakiti warrantus wähhemb saap ollema, kui se, mes Ernitz Joakit peap ärra tassuma, sis sai Ernitz Joakiti warrantus ülles wõetus, nink ärra kalutus, nida kui siin allan om ülles kirjotedu:

Ernitz Joakiti warrantus sel 20m Webruaril 1870 ülles wõetu:

1 werrew Märra	7 aastat wanna	30Rbl.	Kop.
1  "  "	9  "	32
1 must Lehm		18
2 Lammast		4
1 Kitz		2
1 Sikk		2	50
1 raud Wanker		6
1 wanna puu Wankre			50
1 kange Telle		2
1 Kapp		1
3 Ohhertit			50
4 Hööwlit			50
2 Tõrdut		1	25
1 Kirst			25
1 Kattal (Padda)			50
1  "		2
2 Attra		1
1 Kirwes			25
2 Regge			50
Summa		104 Rbl.	75 Kop.

Koggokonna kohhus om lõidnu et Ernitz Joakiti warrantus 1 Rubla 25 Kop. wähhemb om kui temma wõlg mes temmal massa om, nida kui üllewan om ülles kirjotedu 106 Rubla om wõlga massa, ent warrantus om ennegi 104 Rubla 75 Kop. wäärt arwatu. 

Otsus.

Mõisa wallitsus wõttap Ernitz Joakiti käest selle Orriko tallo sel kewwade 1870 ärra, nink annap Ernitz Hankule. Ernitz Hank wõttap selle Orriko Ernitze maja warrantusse selle hinna arwu perra mes üllewan om kirjotedu 104 Rbl. 75 Kop. eest, nink Ernitz Hank massap selle Ernitz Joakiti wõlla, nida kui jo üllewan kirjotedu om. neile kigile ärra:

Isak Rätseppale	40 Rubla
Tawit Ruusale	19
Ernitz Hanku omma perrantusse ossa jaggo	47
Ütte kokko	106 Rubla

Ernitz Joakitil ei olle ennamb ütteki õigust sellest Orriko majast, ei ka sellest warrantussest, mes temma käest om ärra wõeti nink Ernitz Hanku kätte anti, nink Ernitz Joakit om ka kigest wõllast pri, mes temmal seni päiwani om massa olnu. 

Päkohtomees Märt Lüüs XXX

Kohtomees Karl Post XXX

  "  Jaan Reiljan XXX

  "  Rein Hist XXX

  "  Sahkri Pik XXX