Ants Kornell kaipas: Minna tulli Walka linnast, Peter Anzow, Karl Zimmer, Peter Hinn nink minno naine. Kagwere kõrtsi, sääl ostse minna wiina nink andse ommile seltsimeestele. Karl Zimmer ostse ka wiina ja jaggas meile kigile. Päle selle tullime kõrtsist wälja nink nakkasime koddopole sõitma; minna ollewat omma sani pääl istnu nink Karl Zimmer ollewat minno kõrwale sani päle istnu, sedda minna weel mälleta; nink olleme nida kawwa ütten sõitnu, kuni Karrola Wissi kõrtsi ette; nemma ollewat jälle lännu wiina jooma, nink päle to kõrtsist wälja tulnu ja koddopole sõitnu. Karrola pikka järwe pääl om Karl Zimmer tahtnu minnust möda sõita, ent ei olle sanu. Kirbu kõrtsist möda tullen turba howi kotsil om Karl Zimmer minno hobbesest möda sõitnu nink lasknu tassa een sõita, nida et meije ollewat kaugele mahha jänu. Peter Anzow, kes minno naisega een ütte hobbesega sõitse, omma nännu et minna ja Karl Zimmer ollime kaugele perra jänu, sis om Peter Lillu soo pääl lasknu tassa een sõita, nink ei olle weel nännu minno ja Karl Zimmerit järge tullewat; sis om Peter Anzow Lillu tallon kinni piddanu ja meid järge ootnu. Kui Peter Anzow om nännu et meije jo pea järren ollime, sis om temma nakkanu jalle tassa een sõitma, ni kawwa kui Waltina sure tee päle, sääl om Peter Anzow meid perra ootnu, tükki aja perrast ollime ka järge sanu, sis olleme meije mõllemba egga üts omman sanin magganu, sis om Peter Anzow minno hobbese suu eest kinni wõtnu, nink minna wirgu sis ülles nink küsisi: "Mes sinnol minno hobbesega asja om?"
Karl Zimmer sõitse Waltina pole nink minna ja Peter Anzow nakkasime Kikkatido pole sõitma, nink Kikkatido polt sõitse minna omma naisega ütten koddo; kui koddo sai ja latse minnole wasta tulliwa, sis tahtse minna latsile hõbberahha anda, nink nakkasi rahha kotti otsima, wimate lõidse rahha kotti püksi harro sissest, kui minna rahha kotti wallale teggi, oh immet! hõbberahha ärra kaddunu, nink ka weel üts 50ne rublane pabberi rahha ka ärrä kaddunu, ennegi üts 3me rublane pabber olli ütsinda weel pungas, sis ütli minna naisele: "mes nüüd saap rahha om ärrä warrastedu!" naine ütles: "kes muidu sis warrast kui Karl Zimmer, sest temmaga sinna kik tee Walkast tullen ütten sanin sõidite."
Selle päle lätsi minna Kikkatido pole taggasi ja wõtse Peter Anzowi ütten nink lätsime Waltina kõrtsi, sest meije mõtlime, ehk wahhest Karl Zimmer weel Waltinan om, küssise kõrtsimees Sohwa käest kas Karl Zimmer weel siin om, Sohwa ütles, "ei olle!" Sis: lätsime õkwa Zimmitre tallo, ja Peter Anzow ajas Karl Zimmeri maggamast ülles, nink kutsus tedda wälja, sis ütli minna: "Kule Zimmer kui sinna minno rahha nalja perrast ärra wõttite, sis anna ärra kätte." Selle päle ütles Karl Zimmer: "Kui minna sinno rahha olles nalja perrast wõtnu, sis olles minna sinnu rahha ka taggasi andnu; minno käen ei olle sinno rahha, ja minna ei tija ka sinno rahhast middagi, kui sinna tahhate, sis wõi minna sinnole 50ment rublat lainata.
Karl Zimmer sai kohto ette kutsutus nink temma käest küssitus; mes temma selle Karl Kornelli rahha ärra kaddumissest tijap, Karl Zimmer ütles et temma sellest rahhast middagi ei tija. Selle päle sai Karl Zimmeri käest küssitus: "Kas sinna Ants Kornelliga ütten Walkast koddo tullite!" Karl ütles: "Minna ja Peter Hinn sõitseme minno hobbesega, ja Ants Kornelli naine sõitse Peter Anzowika, nink Ants Kornell sõitse ütsinda omma hobbesega ja temmal olli üts kaal sola omma hobbese pääl mes temma Walkast ostse. Seddawisi sõitseme ni kawwa ütten kui Kagwere kõrtsi manu, sääl lätsime kik kõrtsi sisse, minna ostse ütte pole nakla napsi, Ants Kornell ostse tõise pole nakla napsi ja 2 topsi õllut, sis tullime säält tullema nink minna istse Ants Kornelli kõrwale temma hobbese päle ja tullime nida kawwa ütte sani pääl isten kui Karrola Wissi kõrtsi, sääl lätsime jälle kik kõrtsi sisse, minna ostse ütte pole nakla napsi ja ütte topi õllut, Peter Anzow ostse ka ütte pole nakla napsi ja ütte topi õllut; Ants Kornell es osta Wissi kõrtsin middaki. Sis nakkasime jälle kik koddo pole tullema, Peter Anzow sõitse Antsu naiseka een, Ants Kornell temma taggan ja minna sõitse omma hobbesega keige perran. Karrola pikka järwe pääl nakkasi minna Antsuga wõitu sõitma, minna es sa enne Antsu hobbesest möda kui siin pool Kirbu kõrtsi, sääl sai minna Antsu hobbesest ette ajada. Sis tullime tassa sõiten, ja minna olli maggama jänu ja es wirgu enne ülles kui Waltina kõrtsimees Sohwa perrenaine minno ülles ajas; sis lätsi minna Waltina kõrtsi sisse ja ostse ütte pole nakla napsi nink jõi ärra ja nakkasi koddo pole sõitma. Muud ei tija minna middagi sellest teereisist kõnnelda.
Kui minna jo koddon maggasi, tulli Karl Kornell ja Peter Anzow hommukult warra wäiku walge ajal minno maja Zimmitre tallo, Ants Kornell küssis minno käest: "Kule Zimmer kui sinna nalja perrast minno rahha ärra ollet wõtnu, sis anna kätte!" Sis ütli minna, "huiju!" kui minna sinno rahha nalja perrast olles arra wõtnu, sis olles se rahha ka kätte sanu, minna ei tija sinno rahhast middagi. Selle päle nakkas Ants Kornell koddo ärra minnema nink Jummalaga jätmissel ütles Ants Kornell minnole: "Kule Zimmer anna ommeti minnole rahha wõlgo," selle päle ütli minna: "Rahha wõi minna sinnole kül lainata!" Ants Kornell kutse minno pea henda pole, nink tahtse minnole weel middagi kõnnelda, ja minna lubbasi ka minna, selleperrast et minnol Antsu sanin heeringe olliwa, mes minna Walkast ostse.
Tunnistaja Peter Anzow tunnistas: "Minna sai Walka linnan kaupmees Niemanti podin Ants Kornellika ja ka Karl Zimmerika kokko, sält lätsime Lamperti wiina kontori, sääl ostse Karl Zimmer ütte pole topi napsi, sellest jõijemi suremb ossa ärra nink ütte pole nakla andse Karl Zimmer sellest napsist taggasi, ja selle eest andi 2 puddelit õllut, kui kik ärra olli jodu sis nakkasime koddo tullema, nink tullime kik ütten nida kawwa kui Kagwere kõrtsi, siin ostse Karl Zimmer kolm polt nakla napsi ja kolm ziggarit. Sis nakkasime koddo pole tullema, minna ja Antsu naine sõitseme een minno hobbesega nink minno taggan sõitsewa Ants Kornell ja Karl Zimmer mõllemba Antsu sanin ja Peter Hinn sõitse ütsina Karl Zimmeri hobbesega, ni kawwa kui Karrola Wissi kõrtsi manu, sääl lätsime kik sisse ja Karl Zimmer ostse 2 polt nakla napsi, nink kui se olli ärrä jodu, tahtse Karl Zimmer et minna ka olles piddanu napsi ostma, ent minna es osta. Wissi kõrtsist ärra tullen sõitse minna jälle Antsu naiseka een, Ants Kornell ütsinda omma hobbesega minno taggan ja Karl Zimmer omma hobbesega meije keiki taggan. Karrola pikka järwe pääl tahtse Karl Zimmer Ants Kornellist möda sõita, enge es jõuwa, tõist kõrd jälle siin pool Kirbu kõrtsi turba howi kotsil sõitse Karl Zimmer ommeti Ants Kornellist möda. Lillu soo pääl kaesi minna taggasi nink es näe Karli ei ka Antsu hobbest tullewat, sis lassi minna tassa een sõita, nida kawwedale kui Lillu tallo, sääl odasi minna neid järge. Kui mõnne tükki aja perrast Karl ja Ants järgi saiwa, sis lassi minna jälle tassa een sõita, ni kawwa kui Waltina sure tee päle wälja sai, siin odasi minna neid jälle hä tük aiga, ni kawwa kui järge tulliwa, Karl Zimmeri hobbene tulli een ja Ants Kornelli hobbene taggan. Karl kui ka Ants maggasiwa egga üts omman sanin. Ants Kornelli hobbene tahtse Karl Zimmeri hobbeselle perra minna Waltina kortsi pole, enge minna wõtse Ants Kornelli hobbese kinni, selle päle wirgu Ants Kornell maggamissest ülles ja kussis: "kes sääl om!" minna ütli: "sinno hobbene tahtse Karl Zimmeri perra minna Waltina pole!" Sis sõitse minna nink Ants Kornell Kikkatido pole, nink Ants Kornell sõitse omma naisega Kikkatido tallost jälle omma koddo (Hõrru).
Minna es olle weel maggama jänu, kui Ants Kornell minno pole tulli nink omma kahjo minnole kaipas, et temmal 50 rubla rahha om ärra kaddunu. Ants Kornell palles minno et minna ni hä olles nink temmaga ütten lähhäs Zimmeritre tallo, ehk wahhest om Karl Zimmer sedda rahha ärra wõtnu. Minna lätsi Ants Kornelliga ütten, eddimält Waltina kõrtsi ja küsse Sohwa käest kas Karl Zimmer siin, Sohwa ütles: "ei olle!" Säält lätsime Zimmitre tallo. Karl Zimmer maggasi, temma sai ülles kutsutus nink pandse hennast rõiwile ja tulli tarrest wälja. Sis ütli minna Karl Zimmerile: "Kule welli, Ants Kornellil om 50 rubla rahha ärra kaddunu, ehk ollet wahhest sinna se rahha nalja perrast ärrä wõtnu, sis olle ni hä mees nink anna ärra kätte." Karl Zimmer kostse selle päle: "Minna ei olle nännu ei ka wõtnu Ants Kornelli rahha, kui Ants Kornell tahhap, sis wõi minna temmale rahha lainata." Sis tullime Antsuka ärra koddo. Muud minna ennamb ei tija tunnistada.
Tunnistaja Peter Hinn tunnistas: "Minna lätsi Karl Zimmerika ütten Walka lina, nink tulli ka temmaka ütten taggasi, ni kawwele kui Kagwere kõrtsi, sinna lätsime kik sisse ja jõime wiina nink ka õllut; sält nakkasime koddo tullema minna istse Karl Zimmeri hobbese päle ja Karl Zimmer istse Ants Kornelli kõrwale Antsu hobbese päle. Kui meije kik Wissi kõrtsi manu saime lätsime kik kõrtsi sisse nink jõime jälle wiina nink õllut, minna kutse neid kiki mitto kõrd ärrä koddo minnema, ent nemma es tulle, ja minna nakkasi jallaga een ärra tullema nink nemma jäiewa kik Wissi kõrtsi minnost mahha; minna mõtlesi et nemma sawa minnole hobbestega pea järgi, nink tulli ikkes jallaga nida kawwa kui omma koddo. Muud ei tija minna middagi tunnistada.
Otsus.
Katte tunnistajade wälja ütlemisse perra om selges sanu, et keaki ei olle nännu, ja ei tija ka keaki kuis ehk kunna Ants Kornelli rahha om ärra kaddunu - om kohhus arwanu et Ants Kornell omma kaibamist peap taggasi wõtma, ent Ants Kornell tahhap surembat kohhut pallelda sedda asja ülle kullelda nink temmale omma ka ne sädusse § 773.774 ette kulutedus, mes temmal waja om tähhele panda, kui surembat kohhut tahhap käwwa.
Päkohtomees Märt Lüüs XXX
Kohtomees Karl Post XXX
Kohtomees Jaan Reiljan XXX
" Rein Hist XXX
" Sahkri Pik XXX
Ants Kornell kaipas: Minna tulli Walka linnast, Peter Anzow, Karl Zimmer, Peter Hinn nink minno naine. Kagwere kõrtsi, sääl ostse minna wiina nink andse ommile seltsimeestele. Karl Zimmer ostse ka wiina ja jaggas meile kigile. Päle selle tullime kõrtsist wälja nink nakkasime koddopole sõitma; minna ollewat omma sani pääl istnu nink Karl Zimmer ollewat minno kõrwale sani päle istnu, sedda minna weel mälleta; nink olleme nida kawwa ütten sõitnu, kuni Karrola Wissi kõrtsi ette; nemma ollewat jälle lännu wiina jooma, nink päle to kõrtsist wälja tulnu ja koddopole sõitnu. Karrola pikka järwe pääl om Karl Zimmer tahtnu minnust möda sõita, ent ei olle sanu. Kirbu kõrtsist möda tullen turba howi kotsil om Karl Zimmer minno hobbesest möda sõitnu nink lasknu tassa een sõita, nida et meije ollewat kaugele mahha jänu. Peter Anzow, kes minno naisega een ütte hobbesega sõitse, omma nännu et minna ja Karl Zimmer ollime kaugele perra jänu, sis om Peter Lillu soo pääl lasknu tassa een sõita, nink ei olle weel nännu minno ja Karl Zimmerit järge tullewat; sis om Peter Anzow Lillu tallon kinni piddanu ja meid järge ootnu. Kui Peter Anzow om nännu et meije jo pea järren ollime, sis om temma nakkanu jalle tassa een sõitma, ni kawwa kui Waltina sure tee päle, sääl om Peter Anzow meid perra ootnu, tükki aja perrast ollime ka järge sanu, sis olleme meije mõllemba egga üts omman sanin magganu, sis om Peter Anzow minno hobbese suu eest kinni wõtnu, nink minna wirgu sis ülles nink küsisi: "Mes sinnol minno hobbesega asja om?"
Karl Zimmer sõitse Waltina pole nink minna ja Peter Anzow nakkasime Kikkatido pole sõitma, nink Kikkatido polt sõitse minna omma naisega ütten koddo; kui koddo sai ja latse minnole wasta tulliwa, sis tahtse minna latsile hõbberahha anda, nink nakkasi rahha kotti otsima, wimate lõidse rahha kotti püksi harro sissest, kui minna rahha kotti wallale teggi, oh immet! hõbberahha ärra kaddunu, nink ka weel üts 50ne rublane pabberi rahha ka ärrä kaddunu, ennegi üts 3me rublane pabber olli ütsinda weel pungas, sis ütli minna naisele: "mes nüüd saap rahha om ärrä warrastedu!" naine ütles: "kes muidu sis warrast kui Karl Zimmer, sest temmaga sinna kik tee Walkast tullen ütten sanin sõidite."
Selle päle lätsi minna Kikkatido pole taggasi ja wõtse Peter Anzowi ütten nink lätsime Waltina kõrtsi, sest meije mõtlime, ehk wahhest Karl Zimmer weel Waltinan om, küssise kõrtsimees Sohwa käest kas Karl Zimmer weel siin om, Sohwa ütles, "ei olle!" Sis: lätsime õkwa Zimmitre tallo, ja Peter Anzow ajas Karl Zimmeri maggamast ülles, nink kutsus tedda wälja, sis ütli minna: "Kule Zimmer kui sinna minno rahha nalja perrast ärra wõttite, sis anna ärra kätte." Selle päle ütles Karl Zimmer: "Kui minna sinno rahha olles nalja perrast wõtnu, sis olles minna sinnu rahha ka taggasi andnu; minno käen ei olle sinno rahha, ja minna ei tija ka sinno rahhast middagi, kui sinna tahhate, sis wõi minna sinnole 50ment rublat lainata.
Karl Zimmer sai kohto ette kutsutus nink temma käest küssitus; mes temma selle Karl Kornelli rahha ärra kaddumissest tijap, Karl Zimmer ütles et temma sellest rahhast middagi ei tija. Selle päle sai Karl Zimmeri käest küssitus: "Kas sinna Ants Kornelliga ütten Walkast koddo tullite!" Karl ütles: "Minna ja Peter Hinn sõitseme minno hobbesega, ja Ants Kornelli naine sõitse Peter Anzowika, nink Ants Kornell sõitse ütsinda omma hobbesega ja temmal olli üts kaal sola omma hobbese pääl mes temma Walkast ostse. Seddawisi sõitseme ni kawwa ütten kui Kagwere kõrtsi manu, sääl lätsime kik kõrtsi sisse, minna ostse ütte pole nakla napsi, Ants Kornell ostse tõise pole nakla napsi ja 2 topsi õllut, sis tullime säält tullema nink minna istse Ants Kornelli kõrwale temma hobbese päle ja tullime nida kawwa ütte sani pääl isten kui Karrola Wissi kõrtsi, sääl lätsime jälle kik kõrtsi sisse, minna ostse ütte pole nakla napsi ja ütte topi õllut, Peter Anzow ostse ka ütte pole nakla napsi ja ütte topi õllut; Ants Kornell es osta Wissi kõrtsin middaki. Sis nakkasime jälle kik koddo pole tullema, Peter Anzow sõitse Antsu naiseka een, Ants Kornell temma taggan ja minna sõitse omma hobbesega keige perran. Karrola pikka järwe pääl nakkasi minna Antsuga wõitu sõitma, minna es sa enne Antsu hobbesest möda kui siin pool Kirbu kõrtsi, sääl sai minna Antsu hobbesest ette ajada. Sis tullime tassa sõiten, ja minna olli maggama jänu ja es wirgu enne ülles kui Waltina kõrtsimees Sohwa perrenaine minno ülles ajas; sis lätsi minna Waltina kõrtsi sisse ja ostse ütte pole nakla napsi nink jõi ärra ja nakkasi koddo pole sõitma. Muud ei tija minna middagi sellest teereisist kõnnelda.
Kui minna jo koddon maggasi, tulli Karl Kornell ja Peter Anzow hommukult warra wäiku walge ajal minno maja Zimmitre tallo, Ants Kornell küssis minno käest: "Kule Zimmer kui sinna nalja perrast minno rahha ärra ollet wõtnu, sis anna kätte!" Sis ütli minna, "huiju!" kui minna sinno rahha nalja perrast olles arra wõtnu, sis olles se rahha ka kätte sanu, minna ei tija sinno rahhast middagi. Selle päle nakkas Ants Kornell koddo ärra minnema nink Jummalaga jätmissel ütles Ants Kornell minnole: "Kule Zimmer anna ommeti minnole rahha wõlgo," selle päle ütli minna: "Rahha wõi minna sinnole kül lainata!" Ants Kornell kutse minno pea henda pole, nink tahtse minnole weel middagi kõnnelda, ja minna lubbasi ka minna, selleperrast et minnol Antsu sanin heeringe olliwa, mes minna Walkast ostse.
Tunnistaja Peter Anzow tunnistas: "Minna sai Walka linnan kaupmees Niemanti podin Ants Kornellika ja ka Karl Zimmerika kokko, sält lätsime Lamperti wiina kontori, sääl ostse Karl Zimmer ütte pole topi napsi, sellest jõijemi suremb ossa ärra nink ütte pole nakla andse Karl Zimmer sellest napsist taggasi, ja selle eest andi 2 puddelit õllut, kui kik ärra olli jodu sis nakkasime koddo tullema, nink tullime kik ütten nida kawwa kui Kagwere kõrtsi, siin ostse Karl Zimmer kolm polt nakla napsi ja kolm ziggarit. Sis nakkasime koddo pole tullema, minna ja Antsu naine sõitseme een minno hobbesega nink minno taggan sõitsewa Ants Kornell ja Karl Zimmer mõllemba Antsu sanin ja Peter Hinn sõitse ütsina Karl Zimmeri hobbesega, ni kawwa kui Karrola Wissi kõrtsi manu, sääl lätsime kik sisse ja Karl Zimmer ostse 2 polt nakla napsi, nink kui se olli ärrä jodu, tahtse Karl Zimmer et minna ka olles piddanu napsi ostma, ent minna es osta. Wissi kõrtsist ärra tullen sõitse minna jälle Antsu naiseka een, Ants Kornell ütsinda omma hobbesega minno taggan ja Karl Zimmer omma hobbesega meije keiki taggan. Karrola pikka järwe pääl tahtse Karl Zimmer Ants Kornellist möda sõita, enge es jõuwa, tõist kõrd jälle siin pool Kirbu kõrtsi turba howi kotsil sõitse Karl Zimmer ommeti Ants Kornellist möda. Lillu soo pääl kaesi minna taggasi nink es näe Karli ei ka Antsu hobbest tullewat, sis lassi minna tassa een sõita, nida kawwedale kui Lillu tallo, sääl odasi minna neid järge. Kui mõnne tükki aja perrast Karl ja Ants järgi saiwa, sis lassi minna jälle tassa een sõita, ni kawwa kui Waltina sure tee päle wälja sai, siin odasi minna neid jälle hä tük aiga, ni kawwa kui järge tulliwa, Karl Zimmeri hobbene tulli een ja Ants Kornelli hobbene taggan. Karl kui ka Ants maggasiwa egga üts omman sanin. Ants Kornelli hobbene tahtse Karl Zimmeri hobbeselle perra minna Waltina kortsi pole, enge minna wõtse Ants Kornelli hobbese kinni, selle päle wirgu Ants Kornell maggamissest ülles ja kussis: "kes sääl om!" minna ütli: "sinno hobbene tahtse Karl Zimmeri perra minna Waltina pole!" Sis sõitse minna nink Ants Kornell Kikkatido pole, nink Ants Kornell sõitse omma naisega Kikkatido tallost jälle omma koddo (Hõrru).
Minna es olle weel maggama jänu, kui Ants Kornell minno pole tulli nink omma kahjo minnole kaipas, et temmal 50 rubla rahha om ärra kaddunu. Ants Kornell palles minno et minna ni hä olles nink temmaga ütten lähhäs Zimmeritre tallo, ehk wahhest om Karl Zimmer sedda rahha ärra wõtnu. Minna lätsi Ants Kornelliga ütten, eddimält Waltina kõrtsi ja küsse Sohwa käest kas Karl Zimmer siin, Sohwa ütles: "ei olle!" Säält lätsime Zimmitre tallo. Karl Zimmer maggasi, temma sai ülles kutsutus nink pandse hennast rõiwile ja tulli tarrest wälja. Sis ütli minna Karl Zimmerile: "Kule welli, Ants Kornellil om 50 rubla rahha ärra kaddunu, ehk ollet wahhest sinna se rahha nalja perrast ärrä wõtnu, sis olle ni hä mees nink anna ärra kätte." Karl Zimmer kostse selle päle: "Minna ei olle nännu ei ka wõtnu Ants Kornelli rahha, kui Ants Kornell tahhap, sis wõi minna temmale rahha lainata." Sis tullime Antsuka ärra koddo. Muud minna ennamb ei tija tunnistada.
Tunnistaja Peter Hinn tunnistas: "Minna lätsi Karl Zimmerika ütten Walka lina, nink tulli ka temmaka ütten taggasi, ni kawwele kui Kagwere kõrtsi, sinna lätsime kik sisse ja jõime wiina nink ka õllut; sält nakkasime koddo tullema minna istse Karl Zimmeri hobbese päle ja Karl Zimmer istse Ants Kornelli kõrwale Antsu hobbese päle. Kui meije kik Wissi kõrtsi manu saime lätsime kik kõrtsi sisse nink jõime jälle wiina nink õllut, minna kutse neid kiki mitto kõrd ärrä koddo minnema, ent nemma es tulle, ja minna nakkasi jallaga een ärra tullema nink nemma jäiewa kik Wissi kõrtsi minnost mahha; minna mõtlesi et nemma sawa minnole hobbestega pea järgi, nink tulli ikkes jallaga nida kawwa kui omma koddo. Muud ei tija minna middagi tunnistada.
Otsus.
Katte tunnistajade wälja ütlemisse perra om selges sanu, et keaki ei olle nännu, ja ei tija ka keaki kuis ehk kunna Ants Kornelli rahha om ärra kaddunu - om kohhus arwanu et Ants Kornell omma kaibamist peap taggasi wõtma, ent Ants Kornell tahhap surembat kohhut pallelda sedda asja ülle kullelda nink temmale omma ka ne sädusse § 773.774 ette kulutedus, mes temmal waja om tähhele panda, kui surembat kohhut tahhap käwwa.
Päkohtomees Märt Lüüs XXX
Kohtomees Karl Post XXX
Kohtomees Jaan Reiljan XXX
" Rein Hist XXX
" Sahkri Pik XXX
