Johann Paunik tulli ette ja kaiwas: et rentniki Emmänd om teddä ärrä ajanu ja 15. nowembril, sa ja rentnik Blumberg ei massa nüüd palka kätte ja tunnistaja omma Karli Kiwwi Lena Karrus ja kubbijäs Tomas Pehter.

Rentnik Blumberg wastutas et ei olle teddä ärrä ajanu, ent temmä Johann essi om ärrä lännü, se olli kui Emmand 15. nowember lännü seddä Johanit maggamast ülles ajama ja ei olle Johanit kotton olnu sis om Emmänd kutsnu Hussari Johani poolt karjusse kes karja lännu, sis tulnu weel Johan koddo, tolle päle ei olle lasknu karja minnä ja käsknu sis kubbija käest tõist tööd andnu nikaukes kui rentnik Blumberg essi koddo tulle, ent Johann tulnu Lina Blumbergi manno ja kaiwanu et Emmänd ei olle karja minnä lasknu, nink Blumberg om ka üttelnu et minne koddo ja küsi kubbija käest tõist tööd nikawwa kui ma koddo lää, ent Johann ei olle lännü koddo ja om emmä manno ärrä lännu. -

Tunnistaja Karli Kiwwi tunnistas: Rintniki Emmänd otse Johanit takkan ja Johann olli öse kottost ärrä lännu ja es olle weel kotton, sis läts Emmänd ja kuts Hussari poolt karjusse kes karja läts, sis tulli Johann Paunik koddo, ja üttel Emmändale laske minnol karja minnä ja Emänd üttel karja sinno ei woi laske sinna jääd karja man maggama, sis üttel Emänd kubbijale kas sull tööd om sis anna tälle kubbijas ütle mul ei olle aiga minna lää ärrä weski manno, sis kui katte päiwä perräst kubbijas koddo tulli, sis käsk teddä kül töhü minnä mittu kõrd ent Johann es lä töhu

Lena Karrus tunnistas: minna muud es kule kui Johann olli öse kottost ärrä lännu ja es tulle koddo, sis õts Emänd tõise karjusse, sis tulli Johann koddo ja tahtse karja minnä, ja emmänd es lasse et sinna jääd maggama, ja kui kubijas weskilt koddo tulli sis kuts kubbijas Johanit töhu ent es lää

Kubbijas Tomas Pehter tunnistas: kui Johann öse kottost ärrä olli käünu sis es tulle koddo ja pernaine olli tõise karjusse otsnu, sis per-

naine teddä karja es woi laske et olle karja lasknu wilju sisse ja käsk minnol tööd anda ja minnol es olle aiga minna lätsi weskile ärrä, ja kui minna weskilt koddo tulli sis kutsi Johanit töhu, es tulle ja üttel kas minna Juti pallema lä

Moistet. Neide tunnistajide perrä arwas koggokonna kohhus Jonann Pauniki süüdlässes ja moist et Johann Pauniki palkast jääs 7. rublit 

                Blumbergile sest kahjotassomist mes ta karjusselle om masnu. -

                            Moistminne kulutet 10. decemb 1873.