Peter Sirg kaibab et ta tona omma sullast Jaan Käkki rehhele künist ülles ajamisse man nink sedda jo 3mat kord, sest et ta neide essimetse körra man ei olle tulnu nink ennege wasta irwitanu, temma käest roikaga pessa sanu, ja pälegi weel essi tännitanu ja wimati weel roika ärrä wissanu nink temmale hiustehe lännu ja pekka hammustanu.

Se sullane Jaan Käkk salgab sedda koggonist ärrä nink ütleb weel, et se perremees tedda nenda roikaga pesnu olles. Johann Henn tunnistas, et ta tännitamisse appi lännu nink löidnu neil mõllembid pimendan künin, kos se sullane magganu, kes neist süüdlane, ei woi ta ka tunnistada.

Peter Sirg kaibab weel et se sullane Jaan Käck suwwel ka temma naist sae rauaga lönu, ni et se werrisest sanu.

Jaan Käkk wabbandas et ta ennegi selle rauaga tõuganu.

Sest et kohtomees Johann Hango ka nännu, et se naine werrine olnu, sis saije moistetus:

selle Jaan Käkkile 30 witsa löki ehk 2 päiwas wangi kui wangi hone walmis saab - selle eest et ta sedda naist saerauaga lönu, ent selle essimetse kaibamisse päle ei woi middagi ilma tunnistusseta moista.

Pä kohtomees Endrik Kilter XXX

abbi kohtomees Dawid Peterson XXX

abbi kohtomees Karl Hürri XXX

wöörmünder Johann Hango XXX