Jürri Onnopri tulli ette ja kaiwas: et ni kui nüüd meil se maaka om wahhe tettu, sis olle ka minna hendale tarre allostanu tettä, ja tahhe neis honist jakko sada mes meil weel wellega Petrega üttise omma, ne omma se wanna rihhe tarre ja mes wannast temmä ümbre tettu olli, ja üts suwwi kedi kodda, ja üts sann, neid tahha minna poles ni kui essä perräntus latsile ütte wõrra tettäs. -

Peter Onnopri wastutas: et ei tijä kolmas jaggo maad om ni tahha kolmanda jao honid ka anda, se kodda ja sann omma mollemba  ütte hinna all, wõtku neist komb taht ja se rihhe tarre ei tahha ma joht anda. -

Ja Peter nink Jürri ütlese mollemba et se senine om ennamb mäddänu kui tarre. -

Moistet: Et Kronu wallan hone emma eggäl ütel omma, ja et sis nee ka neide essä perrantus om, moist koggokonna kohhus et se suwwi kedi                 kodda om Petre maa pääl, ja jääs ka Petrele, nink se sann om Jürri ma pääl ja jääs ka Jürrile, ent sest rihhe tarrest moist sis                               suremba jao Petrele selle et temmäl ennämb maad om, ni et se tarre ja se wannast tettu kambre jä hobbeste tall jääs Petrele, ent                  Jürrile saap sis senine ja agganik  mes senitse küllen om ja omma tettu hone hone wõtwa iks puhtas ärrä. -

               Moistminne kulutet sel 28. januaril 1874.

Peter Onnoperra kulutas et selle moistmisseka rahhu ei olle palles oprottokolli wäljä, mes ka anda lubbadi

Se prottokol wäljä antu sel 1. webruaril 1874.