Werro linast Marri Trei ja temma mees Peter tulli ette ja kaipsi: et Marri Trei ollew andnu Johann Melzowi kätte 45. rubl rahha, ja nüüd ei tahha ärrä massa ennamb kui 5. rublit ollew ärrä masnu,  ja Werro linas kaupmees Grahe, ja wahtmeistre Fridrich Õunapu, omma kuulnu et Johann Melzow om üttelnu et täl se rahha massa om, ja lubbas massa. -

Johann Melzow wastutas et se Marri Trei om minnole 20.ne koppika kaupa seddä wai ka mõnni kõrd ennämb ehk mõnni kõrd wahhamb andnu, sis minna lätsi lina linno mümä ja sis tahtse temmä minno käes seddä rahha kaupmees Grahe käest ärrä wõtta, ja nõuse iks kas ma luppa seddä rahha ärrä massa sis minna ütli et kui mee selledä sis minna massa. - ja minna arwsi kui seddä rahha jo 5. rubl saap ennamb ei woi olla se olli ni kui kinkit ent kui ta nõuse sis minna massi se 5. rublit ärrä. - rohkemb minnol massa ei olle.

Werro linast kaupmees Grahe tunnistas: et kui nemmä sääl omma wollast selledi sis ütles se Johann Melzow minnol om 40. rubl wai roh-

kemb seddä minna ei malleda selle Marrile massa, ja lubbas massa, seddä om 2. astat taggasi minna õige selgest ei mälledä. -

Werro lina wahtmeister Fidrich Õunapu tunnistas: et se Johann Melzow üttel et temmäl om Marri Treile 45. rubl massa, ja lubbas ärrä massa. -

Moistet: Neide kõnne perrä moist koggokonna kohhus seddä rahha poles, ni et Johann Melzow mas 20. rubl Marrile ärrä, ja 20. rubl jäs                          marril hendä kahjos, ehk kui Johann Melzow Kihhelkunna kohtu een taht wannu sis sis ei massa sukkuki, ent kui Juhhan ei wannu,                    nink Marri Trei wannus et temmä andnu om sis mas Johann Melzow kige rahha ärrä. -

Moistminne kulutet sel 28. januaril 1874.

Marri Trei nink Johann Melzow kulutase sel 1. webruaril et nemmä selle moistmissega rahhu ei olle luppasse wandu, ja pallesse prottokolli waljä, mes ka anda lubbadi. -

Se prottokoll wäljä antu sel 4. januaril 1874.

                                       Päkohtumes: Jaan Melz

                                       Kohtumees: Peter  Wõrro

                                       Kohtumees: Peter Wahher.