Mäksa perremees Nilusse Peter Tirik tulli ette nink kaibab et sesamma walla pois Hans Tanni 10. Februaril 1864 temma hobbuse mõtsan pu päle laskmissega ärrä tapnu. Ta arwab sedda hobbest 14 aastane nink 30 Rbl. wäärt ollew.

Kutsuti ette Hans Tanni nink wastas küssimisse päle, et temmal se pu langeminne kül lakke kottuse päle ärrä märgitu olnu, ent tuul tedda hobbese päle ajanu, seperrast ei ollew temma sedda mitte melega tennu.

Sedda ütlewa kohtomehhe ka õige ollew, - ja et se hobbene weel wannemb kui 14 aastat wanna olnu arwawa nemma ka. Se õige olla liggi 20 aastat ja temma üti 16 rublad hõbbedat seperrast sai et nemma hennese wahhel ei leppinu nenda

moistetus:

Sest et nemma kumbgi selle süidlanne ei olle, moisteti se kahju poles - ni et Hans Tanni Peter Tirikile selle eest masma peab 8 rubla hõbbedat.

Se moistet? sai neile kulutedus nink lubbawa nemma mollemba sellega rahhul olla.

Pä kohtomees Endrik Kilter XXX

abbi kohtomees Karl Hürri XXX

walla wöörmünder Johan Hango XXX