Werro koggokonna kohtun sel 18. webruaril 1874. 

                          Man olli Päkohtumees: Jaan Melz

                                         Kohtumees: Peter Werro

                                         Kohtumees peter Wahher

Peter Humma tulli ette ja kaiwas et minno tulli selle minno kassu welle Michel Kassaga manno 30. astat taggasi ja emmä Mai Humma om liggi 70. astat wanna, sis kui ta tulli tõi temmä 1. lehm, 2. lammast ja wahtse särgi ja wahtse kaska ja olli seni ajani temmä mann nüüd wei minna om(m)a emmä ärrä, ja nõuwa seddä, krami ka takkasi

Michel Kassak wastutas minna olle temmä emmä Mai Kassakat 30. astat toitnu ja kui minno essä ärrä koli olli 4. astat, ja minna nouwa

16. asta toitmist mes minna jo omma käe päält teddä toitnu olle 20. rubl astast se tegge kokko 420 . rubl

Ja 1. lehm om kaswadetus sanu, ja om Peter Humma kätte antu se om ärrä müdü, ja Petrel ja perrä rahha om weel Peter Melzowi käen hoita 

Peter Humma ütles se lehm sai kül müdüs et seddä awwit Michel sõssar Mai Puijemets kassuta minnole, ent Michel Kassak ütles se om minno assi kesta kassut sinna ollet lehmä sanu. -

Mai Puijemets tunnistas: minna awwiti om(m)a wellel Michelil se lehmä kassu too päle et temma sest Peter Humma wollast pris sai minnol ei olle Peter Hummaga middägi teggemist. 

Peter Melzow tunnistas et Michel Kassak and ütte lehmä ja müdi ärrä ja se rahha sai Peter Hummale ja anni minno kätte se rahha hoita nink nüüd om weel perrä rahha minno käen parrehella. -