Hindrik Anzow kaipas et Hindrik Weiermann om tedda rinnust kinni wõtnu nink temmale lönu. Se tülli om tulnu selleperrast et Hindrik Anzow om mõisa wallitsusse kässu päle Jacob Ellamiku keeldnu sedda haina kuhja ärrä weddamist, mes Karl Witkal Jacob Ellamikkule olli arra müünü. Karl Witkal om Linnamäe walda ärra lännu nink temmal om Wanna Anzmõisale päiwi wõlgo jänu, selleperrast es anna mõisa wallitsus Karl Witkalile lubba sedda haina kuhja kellelegi ärrä müwwa, enge piddi selle ma jao päle jäma kon Karl Witkal enne monamehhen olli. 

Tunnistaja Rein Apsalon tunnistas et Hindrik Weiermann Hindrik Anzowile om haina rihhaga pähhä lönu nink mõnna pält werre wälja lönu. 

Otsus.

Jacob Ellamik massap katte koorma hainu eest 6 rubla hõbbedat mõisa wallitsusse kätte, selleperrast et Karl Witkal Wanna Anzmõisale päiwi wõlgo om jänu, nink et Jacob Ellamik ülle mõisa wallitsusse kässu neid hainu Karl Witkali käest om ostnu. Hindrik Weiermann massap Hindrik Anzowile ütte rubla wallu rahha ja istup 24 tundi wee ja leiwa pääl kinni, nink peap 8 päiwa aja sissen Wanna Anzmõisa pirist wälja minnema. 

Päkohtomees Märt Lüüs XXX

Kohtomees Karl Post XXX

  "  Jaan Reiljan XXX

  "  Rein Hist XXX

  "  Sahkri Pik XXX