Wallawannemb Johann Zimmer kaipas siin koggokonna kohto een et minnewal süggisel Septembri kuul Karl Akkermann Tohwri Johanni tallon öösel lauda pääl tulle tikkuka om tulle ülles wõtnu, kun paljo põhku ja õlle kattus olli, nida et peljata olli et kahjo olles wõinu sündita. Tõiselt om Karl Akkermannile kats käsku antu koggokonna kohto ette tulla, nink temma ei olle tulnu, enge om Karl Akkermann abbikohtomehhe Wärdi Wallnerile üttelnu: "Ütle wallawannembale, temma ja koggokonna kohhus wõiwa minno perset lakku."
Karl Akkermann sai kohtu ette kutsutus nink temmale se Johann Zimmeri kaipus et loetus. Karl Akkermann ütles sedda kik wõls ollewat mes Johann Zimmer om kaiwanu, temma ei olle lauda pääl käünü ei ka tuld tulle tikkuga ülles wõtnu, ja ei olle ka roppu sõnnu wallawannembale saatnu; enge minnole om kül kolm kõrda käsku sanu koggokonna kohto ette tulla, ent kats kõrda kohtu ette tulla es olle minnol mitte wõimalik.
1. Tunnistaja Karl Warblane tunnist et Karl Akkerman minnewal süggisel enne Krawi lata üttel ööl Tohwri Johanni lauda päle tulli, kon minna omma naisega maggasi, wõtse Karl tikkuka tulle ülles nink küssis: "Kus tüdruku maggawa?" Sis om Karl Warblane Karl Akkermanni tõrrelnu nink üttelnu: "sinna wõite selle tempuka mõnne hone pallama panda."
2. Tunnistaja Karl Warblase naine Lotta tunnist nida sammute kui Karl Warblane tunnist.
3. Tunnistaja Albrecht Lust tunnist et Karl Akkermann Mõnniste posti tee säädmisse man om üttelnu: "Johann Zimmer ajap weel mullust tulle tikku asja taggan, wee temmäle paljo terwüstja ütle Wanna Anzmõisa koggokonna kohhus ja wallawannemb wõiwa minno perset lakku."
Karl Akkermann sai tõine kõrd kohto ette kutsutus nink temmale neide kolme tunnistajade wäljä ütleminne ette kulutedus; selle päle ütles Karl Akkermann et too kül õige om et minna Albrecht Lustile olle üttelnu, ütle Zimmerile, mes temma minnoga kiusas, temma wõip minno perset lakku. Se ei olle ka mitte õige mes Karl Warblane omma naise Lottaka minno päle kaipasse nemma omma jo ennämb kui üts aasta minnoga wihhase. Karl Warblane om minnost sel aastal Tohwri perremehhele üttelnu; mes sinna nida suggust innimist sija maja wõttate, temma ei tee muud middagi kui horap minno tütrega.
Otsus.
Karl Akkermanni omma tunnistusse perra, et temma roppu tenistust wallawannembale kui ka koggokonna kohtule om pakkunu, saap Karl Akkermann 25 witsa hopi. Karl Warblase kaipus om tühjas tettu, selleperrast et Karl Warblane õigel ajal Karl Akkermanni päle ei olle kaiwanu, enge sis kui nemma täwwest wihha mehhes olliwa sanu.
Pääkohtomees Märt Lüüs XXX
Kohtomees Karl Post XXX
" Jaan Reiljan XXX
" Rein Hist XXX
" Sahkri Pik XXX
Wallawannemb Johann Zimmer kaipas siin koggokonna kohto een et minnewal süggisel Septembri kuul Karl Akkermann Tohwri Johanni tallon öösel lauda pääl tulle tikkuka om tulle ülles wõtnu, kun paljo põhku ja õlle kattus olli, nida et peljata olli et kahjo olles wõinu sündita. Tõiselt om Karl Akkermannile kats käsku antu koggokonna kohto ette tulla, nink temma ei olle tulnu, enge om Karl Akkermann abbikohtomehhe Wärdi Wallnerile üttelnu: "Ütle wallawannembale, temma ja koggokonna kohhus wõiwa minno perset lakku."
Karl Akkermann sai kohtu ette kutsutus nink temmale se Johann Zimmeri kaipus et loetus. Karl Akkermann ütles sedda kik wõls ollewat mes Johann Zimmer om kaiwanu, temma ei olle lauda pääl käünü ei ka tuld tulle tikkuga ülles wõtnu, ja ei olle ka roppu sõnnu wallawannembale saatnu; enge minnole om kül kolm kõrda käsku sanu koggokonna kohto ette tulla, ent kats kõrda kohtu ette tulla es olle minnol mitte wõimalik.
1. Tunnistaja Karl Warblane tunnist et Karl Akkerman minnewal süggisel enne Krawi lata üttel ööl Tohwri Johanni lauda päle tulli, kon minna omma naisega maggasi, wõtse Karl tikkuka tulle ülles nink küssis: "Kus tüdruku maggawa?" Sis om Karl Warblane Karl Akkermanni tõrrelnu nink üttelnu: "sinna wõite selle tempuka mõnne hone pallama panda."
2. Tunnistaja Karl Warblase naine Lotta tunnist nida sammute kui Karl Warblane tunnist.
3. Tunnistaja Albrecht Lust tunnist et Karl Akkermann Mõnniste posti tee säädmisse man om üttelnu: "Johann Zimmer ajap weel mullust tulle tikku asja taggan, wee temmäle paljo terwüstja ütle Wanna Anzmõisa koggokonna kohhus ja wallawannemb wõiwa minno perset lakku."
Karl Akkermann sai tõine kõrd kohto ette kutsutus nink temmale neide kolme tunnistajade wäljä ütleminne ette kulutedus; selle päle ütles Karl Akkermann et too kül õige om et minna Albrecht Lustile olle üttelnu, ütle Zimmerile, mes temma minnoga kiusas, temma wõip minno perset lakku. Se ei olle ka mitte õige mes Karl Warblane omma naise Lottaka minno päle kaipasse nemma omma jo ennämb kui üts aasta minnoga wihhase. Karl Warblane om minnost sel aastal Tohwri perremehhele üttelnu; mes sinna nida suggust innimist sija maja wõttate, temma ei tee muud middagi kui horap minno tütrega.
Otsus.
Karl Akkermanni omma tunnistusse perra, et temma roppu tenistust wallawannembale kui ka koggokonna kohtule om pakkunu, saap Karl Akkermann 25 witsa hopi. Karl Warblase kaipus om tühjas tettu, selleperrast et Karl Warblane õigel ajal Karl Akkermanni päle ei olle kaiwanu, enge sis kui nemma täwwest wihha mehhes olliwa sanu.
Pääkohtomees Märt Lüüs XXX
Kohtomees Karl Post XXX
" Jaan Reiljan XXX
" Rein Hist XXX
" Sahkri Pik XXX
