Johann Mudso Kurristalt, tulli lubba päle, nink kaibab, et ta Michel Kurwitsale 3 aasta eest 1 wenne mis 6 rublad wäärt müinu, nink ei olle ta weel tänna sedda kaubeldu hinda kätte sanu.

Michel Kurwits ütleb et ta se wenne ennegi numanu, kelle wasta ta temmale üts tük heinamaad andnu, kelle päält ta 8 koormad heino kahhe suwwe wenne pruukmisse eest sanu ja lubbanu temmale weel päle 1 w. keswa jahho anda. Wimati jänu se wenne jälle Johann Mudso kätte, ja temma ta ärrä kaddonu, ent ostnu ta ei olnu sedda koggonist.

Tunnistaja Peter Nestra ütleb, et Johann Mudso päle se ka weel temmale sedda wennet wälja numanu nink temma henda käest se wenne ärra kaddonu.

Johann Mudso ütleb et temmal Michel Kurwits ka weel 2 wankri täis rattit, 1 säng mis 2 rubl. wäärt 1 ankro mis 1 1/2 rubl. wäärt jo nelja aasta taggast wõlgo on.

Michel Kurwits ütleb sedda jo ammo selletadu sellega ärrä tassonu olla.

Moisteti: Et Johann Mudsol selle tunnistusse päle middagi ennamb nõudmist ei olle n. koggonist rahhule jäda on.

Se otsus sai neile kulutedus.

Pä kohtomees: Endrik Kilter XXX

Kohtomees: Dawid Peterson XXX

Kohtomees: Endrik Schultz XXX

Kohtomees: Johann Mähkalla XXX

wöörmünder Johann Hango XXX

F. Thal <allkiri>, kirjotaja.