Ado Joakit kaipas Karl Rautseppa päle, et Karl om tedda kelmis ja wargas sõimanu, Walka ladelt tullen Wissi kõrtsi een platzi pääl awwalikkult paljo rahwa kuulden. 

Karl Rautsep tulli kohto ette ja ütles sedda õige ollewat, et temma ehk jobunu pääst mõnta sõimu nimme om Joakitele üttelnu, selle perrast et Joakit om tedda maja piddamisse perrast haukutama nakkanu, nink lubbas minnu majast wälja ajada, ja sõimas minnu wargas, selle päle ehk olle minna ka mõnne roppu sõnna üttelnu. 

1. Tunnistaja Mihkli Lüüs tunnist: Minna ütli Karl Rautseppale Kaagwerre kõrtsin: "Kas sinnul ka ta särk om warrastedu," selle päle üttel Karl Rautsep: "Wõtta se särk, kui temma sinno omma om." Karl tulli ilma särkita nida kawwede kui Wissi kõrtsi mannu, sääl ollew Karl Rautsep Ado Joakitika jälle tüllidanu. Minna sedda tülli es kuule, ja ei tija ka muud middagi tunnistada. 

2. Tunnistaja Andrus Uddras tunnistas: "Minna olli tol kõrral täwweste wiina sanu, nida et minna middagi neide tüllist ehk sõimamissest ei mälleta, nink ei wõi ka middaki tunnistust anda."

3. Tunnistaja Peter Hinn tunnistas, et temma Karl Rautseppa ja Ado Joakite tüllist middake ei tija, kui ennegi tood, et Hindrik Sohwa tahtse Karl Rautseppa kinni köuta. Muud ei tija temma middaki tunnistada. 

4. Tunnistaja Johann Zimmer tunnistas, et Karl Rautsep om Ado Joakiti warkas ja hattaka häbbemata töö teggijas sõimanu. 

5. Tunnistaja Märt Lüüs tunnist nida sammute kui Johann Zimmer sõnnast sõnnani õige ollewat. 

Otsus. 

Karl Rautsepa omma tunnistusse perra et temma Ado Joakiti wasta rop om olnu, peap temma 1 Rubla waeste ladiku trahwi massma, nink selle kohto otsusseka omma mõllemba rahhul. 

Päkohtomees Märt Lüüs XXX

Kohtomees Karl Post XXX

  "  Rein Hist XXX

  "  Jaan Reiljan XXX

  "  Sahkri Pik XXX