Marri Peterson kaipas, et kubjas Moritz Rothberg om minno russikuga pähha pesnu, nelli hopi mes temma minnole kõrwa päle om lönu, sedda minna weel mälleta, minna olli nida rummalas pessetus, et minna es tunne et minno (rät) tanno man jalgo alla olli sõkkutu nink minno hamme kaela alt wallale olli kistu, kui muu innimisse minnole ütliwa: "Wõtta omma pärät maast ülles!" Sis näggin et minno pä katte maan olli. Se tülli tulli sest; minna ütli Moritzele: "sinno zea olliwa saggedast mõisa nurmen herne sissen nink saiwa wälja aetus, lasse ommal wellel ommi zikku perra kaeta!" Selle pale ütles Moritz Rothberg: "Sinna litz ei näe omma silma palki, enge tõise silman näet sinna pinnu ärrä!" Sis ütli minna: "Sinna wõit pinnu perset lakku." Selle päle wütse Moritz Rothberg minno ütte käega rinnust kinni nink üttel: "Sinna litz!" minna tahha sinnul pinnu wälja kisku, ja nakkas tõise käega minno kõrwa päle russikuka pesma.
Moritz Rothberg astus kohto ette, nink temmale om se Marri Petersoni kaipus ette loetu. Moritz Rothberg ütles: "Se Marri Petersoni kaipus om kik wõls, minna ei olle Marri Petersoni sõimanu, ei ka weel wähhemb lönu." Marri Petersoni poig olli minno wellel suust ja nõnnast werre wälja lönu; minna wõtse omma welle käe kõrwale nink lätsi perretarre mannu, sääl sais Marri Peterson piima keldre een wõljan platzi pääl." Minna kõnneli Marri Petersoniga õige illusast nink ütli: "Mes sinno pojal minno wellega asja om, ja mes oigus om sinno pojal minno welle ülle;" Selle päle ütles Marri Peterson: "Sinno zea omma egga päiwa mõisa herne nurme sissen, lasse ommal wellel ommi zikku perra parrembast kaeta," nink minna ütli Marri Petersonile: "Sinna ei näe omma silma palki, ent tõise silma näet sinna kül pinnu ärrä." Selle päle ütles Marri Peterson: "Sinna lakku minnu perset!" Minna ei olle tedda sõimanu, weel wahhemb lönu.
Tunnistaja Johann Reimann tunnist: Minna näggin omma seppa koa eest et Moritz Rothberg olli Marri Petersoni rinnust kinni wõtnu, nink tõukas Marri Petersoni piima keldre müüri wasta ja pesse russikuga kõrwa päle; selgest ei wõi minna mitte tunnistada, kas neid hoope kümme, ehk ennamb olli. Marri Peterson olli ilma päkatteda kui Moritz Rothberg tedda wallale laskse nink pesmist mahha jättis. Sis wõtse Marri Peterson omma pä rätti maast ülles nink pandse jälle pähha. Neide tülli nink kõnnet es wõi minna mitte kuulda selle kauge maa perrast.
Tunnistaja Woldemar Lasting tunnist: "Minna näggi seppa koa eest, et Moritz Rothberg olli Marri Petersoni rinnast kinni wõtnu nink tõukas Marri Petersoni piima keldre müüri wasta ja pesse russikuga kõrwa päle; selgest ei wõi minna mitte tunnistada, kas neid hope kümme ehk ennamb olli, neide tülli nink kõnnet es wõi minna mitte kuulda. Kui Moritz Rothberg Marri Petersoni walla laskse, sis olli Marri Peterson ilma pää katteda nink hamme rinna eest wallale kistu. Marri Peterson wõtse omma pä katte (rätti) maast ülles ja läts alla wallitseja härrä pole. Muud ei tija minna tunnistada.
Tunnistaja Karl Lipping tunnist: "Minna lätsi seppa koa mannu hobbest rawwutama, nink kui minna piima keldrest jo mööda olli, sis minna kuldse, et Moritz Rothberg üttel: mes sinnu pojal minno wellega asja om, mes perrast temma minno welle om pesnu, selle päle üttel Marri Peterson: "sinno zea omma saggedaste mõisa herne nurme sissen; sis ütles Moritz Rothberg Marri Petersonile: sinna ei näe omma silma palki, enge tõise silma näet sinna pinnu ärra. Kui minna seppa koa mannu sai, sis küssis Johann Reimann minno käest, keddas sääl pessetas? Sis kändse minna henda ümbre nink kaesi taggasi ja näggi et Moritz Rothberg Marri Petersoni müüri wasta kinni piddas ja tõise käega pähhä pesse, nink Marri Petersoni hamme rinna eest wallale kistu ja ilma pä katteda olli. Marri Peterson wõtse pä katte maalt ülles nink läts alla wallitseja härrä pole."
Tunnistaja Marri Hansi tunnist: "Minna saisi wee hami man pima keldre een, kui Moritz Rothberg Marri Petersonile üttel: mes sinno pojal minno wellega asja om, kuis temma tohhes minno welle pessa? Selle päle wõtse Moritz Rothberg Marri Petersoni rinnast kinni nink üttel: Minna tahha sinno litzile näudata;" ja nakkas russikuga pähha pesma nink tõukas mittu kõrd pääd wasta müüri. Sedda wõi minna tõtteka tunnistada et ennamb kui kümme hopi om Moritz Rothberg Marri Petersonile pähha lönu, nink sõimas ütte puhku Marri Petersoni litzis.
Tunnistaja Leno Suija tunnist nida sammute kui Marri Hansi, sõnna sõnnani tõtte ollewat, nink om nännu kui Moritz Rothberg Marri Petersoni om pesnu, ja ka sõimamist om kuuldnu.
Tunnistaja Anne Silm tunnist: "Minna olli tarren nink pandse leiba ahju; kui minna tarrest wälja lätsi, sis näggi minna et Moritz Rothberg Marri Petersoni rinnast kinni piddas nink pähha pesse. kui paljo hope Moritz Rothberg Marri Petersonile leije, sedda ei wõi minna tunnistada, minna es olle selle tülli allustusse man, sedda minna kül kuuldse, kui Moritz Rothberg Marri Petersoni mittu kõrd litzis sõimas, nink Marri Peterson olli palja pääka, ja hamme kaela alt olli wallale kistu.
Wimate kutsuti Moritz Rothberg nink Marri Peterson kohto ette, ja neidel kästi ärrä leppita, enge Moritz Rothberg ütles selle kohto een, et ne tunnistaja ommawa kik palkatu ja palleldu, nink ommawa ka kik minno wihha mehhe.
Marri Peterson nõuwap 500 Rbl. omma sandis pessetu terwüsse eest.
Otsus.
Neide kuwwe tunnistajade wälja ütlemisse perra om Moritz Rothberg süüdallune lõitu ollewat, nink peap 10 Rubla hõb. wallu rahha Marri Petersonile masma, ja ka weel 6 Rubla trahwi waeste ladiku hääs.
Marri Peterson ei olle selle kohto mõistmissega rahhule, nink temmale om ka se lubbakirri antu surembal kohhut pallelda; temmale omma ka ne L. T. S. 1861 §773.774 ette kulutedu, mes selle man tullep tähhele panda, kui surembat kohhut tahhat käwwa.
Päkohtomees Märt Lüüs XXX
Kohtomees Karl Post XXX
" Jaan Reiljan XXX
" Rein Hist XXX
" Sahkri Pik XXX
Copia aus Kirchspielsgericht d. 28. september 1870.
Marri Peterson kaipas, et kubjas Moritz Rothberg om minno russikuga pähha pesnu, nelli hopi mes temma minnole kõrwa päle om lönu, sedda minna weel mälleta, minna olli nida rummalas pessetus, et minna es tunne et minno (rät) tanno man jalgo alla olli sõkkutu nink minno hamme kaela alt wallale olli kistu, kui muu innimisse minnole ütliwa: "Wõtta omma pärät maast ülles!" Sis näggin et minno pä katte maan olli. Se tülli tulli sest; minna ütli Moritzele: "sinno zea olliwa saggedast mõisa nurmen herne sissen nink saiwa wälja aetus, lasse ommal wellel ommi zikku perra kaeta!" Selle pale ütles Moritz Rothberg: "Sinna litz ei näe omma silma palki, enge tõise silman näet sinna pinnu ärrä!" Sis ütli minna: "Sinna wõit pinnu perset lakku." Selle päle wütse Moritz Rothberg minno ütte käega rinnust kinni nink üttel: "Sinna litz!" minna tahha sinnul pinnu wälja kisku, ja nakkas tõise käega minno kõrwa päle russikuka pesma.
Moritz Rothberg astus kohto ette, nink temmale om se Marri Petersoni kaipus ette loetu. Moritz Rothberg ütles: "Se Marri Petersoni kaipus om kik wõls, minna ei olle Marri Petersoni sõimanu, ei ka weel wähhemb lönu." Marri Petersoni poig olli minno wellel suust ja nõnnast werre wälja lönu; minna wõtse omma welle käe kõrwale nink lätsi perretarre mannu, sääl sais Marri Peterson piima keldre een wõljan platzi pääl." Minna kõnneli Marri Petersoniga õige illusast nink ütli: "Mes sinno pojal minno wellega asja om, ja mes oigus om sinno pojal minno welle ülle;" Selle päle ütles Marri Peterson: "Sinno zea omma egga päiwa mõisa herne nurme sissen, lasse ommal wellel ommi zikku perra parrembast kaeta," nink minna ütli Marri Petersonile: "Sinna ei näe omma silma palki, ent tõise silma näet sinna kül pinnu ärrä." Selle päle ütles Marri Peterson: "Sinna lakku minnu perset!" Minna ei olle tedda sõimanu, weel wahhemb lönu.
Tunnistaja Johann Reimann tunnist: Minna näggin omma seppa koa eest et Moritz Rothberg olli Marri Petersoni rinnust kinni wõtnu, nink tõukas Marri Petersoni piima keldre müüri wasta ja pesse russikuga kõrwa päle; selgest ei wõi minna mitte tunnistada, kas neid hoope kümme, ehk ennamb olli. Marri Peterson olli ilma päkatteda kui Moritz Rothberg tedda wallale laskse nink pesmist mahha jättis. Sis wõtse Marri Peterson omma pä rätti maast ülles nink pandse jälle pähha. Neide tülli nink kõnnet es wõi minna mitte kuulda selle kauge maa perrast.
Tunnistaja Woldemar Lasting tunnist: "Minna näggi seppa koa eest, et Moritz Rothberg olli Marri Petersoni rinnast kinni wõtnu nink tõukas Marri Petersoni piima keldre müüri wasta ja pesse russikuga kõrwa päle; selgest ei wõi minna mitte tunnistada, kas neid hope kümme ehk ennamb olli, neide tülli nink kõnnet es wõi minna mitte kuulda. Kui Moritz Rothberg Marri Petersoni walla laskse, sis olli Marri Peterson ilma pää katteda nink hamme rinna eest wallale kistu. Marri Peterson wõtse omma pä katte (rätti) maast ülles ja läts alla wallitseja härrä pole. Muud ei tija minna tunnistada.
Tunnistaja Karl Lipping tunnist: "Minna lätsi seppa koa mannu hobbest rawwutama, nink kui minna piima keldrest jo mööda olli, sis minna kuldse, et Moritz Rothberg üttel: mes sinnu pojal minno wellega asja om, mes perrast temma minno welle om pesnu, selle päle üttel Marri Peterson: "sinno zea omma saggedaste mõisa herne nurme sissen; sis ütles Moritz Rothberg Marri Petersonile: sinna ei näe omma silma palki, enge tõise silma näet sinna pinnu ärra. Kui minna seppa koa mannu sai, sis küssis Johann Reimann minno käest, keddas sääl pessetas? Sis kändse minna henda ümbre nink kaesi taggasi ja näggi et Moritz Rothberg Marri Petersoni müüri wasta kinni piddas ja tõise käega pähhä pesse, nink Marri Petersoni hamme rinna eest wallale kistu ja ilma pä katteda olli. Marri Peterson wõtse pä katte maalt ülles nink läts alla wallitseja härrä pole."
Tunnistaja Marri Hansi tunnist: "Minna saisi wee hami man pima keldre een, kui Moritz Rothberg Marri Petersonile üttel: mes sinno pojal minno wellega asja om, kuis temma tohhes minno welle pessa? Selle päle wõtse Moritz Rothberg Marri Petersoni rinnast kinni nink üttel: Minna tahha sinno litzile näudata;" ja nakkas russikuga pähha pesma nink tõukas mittu kõrd pääd wasta müüri. Sedda wõi minna tõtteka tunnistada et ennamb kui kümme hopi om Moritz Rothberg Marri Petersonile pähha lönu, nink sõimas ütte puhku Marri Petersoni litzis.
Tunnistaja Leno Suija tunnist nida sammute kui Marri Hansi, sõnna sõnnani tõtte ollewat, nink om nännu kui Moritz Rothberg Marri Petersoni om pesnu, ja ka sõimamist om kuuldnu.
Tunnistaja Anne Silm tunnist: "Minna olli tarren nink pandse leiba ahju; kui minna tarrest wälja lätsi, sis näggi minna et Moritz Rothberg Marri Petersoni rinnast kinni piddas nink pähha pesse. kui paljo hope Moritz Rothberg Marri Petersonile leije, sedda ei wõi minna tunnistada, minna es olle selle tülli allustusse man, sedda minna kül kuuldse, kui Moritz Rothberg Marri Petersoni mittu kõrd litzis sõimas, nink Marri Peterson olli palja pääka, ja hamme kaela alt olli wallale kistu.
Wimate kutsuti Moritz Rothberg nink Marri Peterson kohto ette, ja neidel kästi ärrä leppita, enge Moritz Rothberg ütles selle kohto een, et ne tunnistaja ommawa kik palkatu ja palleldu, nink ommawa ka kik minno wihha mehhe.
Marri Peterson nõuwap 500 Rbl. omma sandis pessetu terwüsse eest.
Otsus.
Neide kuwwe tunnistajade wälja ütlemisse perra om Moritz Rothberg süüdallune lõitu ollewat, nink peap 10 Rubla hõb. wallu rahha Marri Petersonile masma, ja ka weel 6 Rubla trahwi waeste ladiku hääs.
Marri Peterson ei olle selle kohto mõistmissega rahhule, nink temmale om ka se lubbakirri antu surembal kohhut pallelda; temmale omma ka ne L. T. S. 1861 §773.774 ette kulutedu, mes selle man tullep tähhele panda, kui surembat kohhut tahhat käwwa.
Päkohtomees Märt Lüüs XXX
Kohtomees Karl Post XXX
" Jaan Reiljan XXX
" Rein Hist XXX
" Sahkri Pik XXX
Copia aus Kirchspielsgericht d. 28. september 1870.
