Wärdi Treumuth andse omma wõlglasse ülles:

Karl Treumuth om minnole wõlgo:

Kolmeistre Johann Reiljani käest	15 Rubla
Linna rahha	10
Ütte kassuka eest	5
Ütte lehma, ütte kruwwi penki ja muu krami eest	30
Ütte kokko	60 Rubla

Karl Treumuth astus kohto ette nink temmäle om se Wärdi Treumuthi kaipus ette loetu; selle päle andse Karl Treumuth selletust:

1. Se 15 Rubla rahha om Johann Reiljan Wärdi Treumuthile kinkinu temma wälja ostmisse päle, se om selgest Protokoll No. 24 sel 2. Septembril 1869 ülles kirjotedu, sedda ei wõi Wärdi Treumuth minno käest nõuda. 

2. Se 10 Rubla linna rahha olle minna Wärdi Treumuthile ärrä masnu. 

3. Se 5 Rubla ütte kassuka eest, mes ärrä om müüdu, om Wärdi Treumuth rahha kätte sanu. 

4. Se 30 Rubla ütte lehma ja muu krami eest om sellest 300 Rublast mahha arwatu nida et weel 270 Rubla Wärdi Treumuth minnole wõlgo om, ni kui Protokoll No. 6 sel 11. Februaril 1869 ja Protokoll No. 16 sel 27. Mail 1869 ja No. 24 sel 2. Septembril 1869 perra Wärdi Treumuthil sest täämbatsest päiwast weel 240 Rubla minnole wõlgo om. 

Selletus Wärdi Treumuthi nekrutist wälja ostmisse rahha ülle:

Wärdi Treumuthi omma rahha	45 Rubla
Wärdi Treumuthi omma rahha	100
Koolmeistre Johann Reiljan kinkinu	15
Karl Treumuthil Kikkatido Petre käest wõlgo wõetu	45
Karl Treumuthi rahha	300
Ütte kokko	505 Rubla

Otsus. 

Wärdi Treumuthi kaipus om tühjas tettu, nink ei olle temmal ka üttegi tunnistust, kige selle wõlla nõudmisse ülle. Koggokonna kohhus om lõidnu et se wõlg Wärdi ja Karl Treumuthi wahhel jo mittu kõrd om ärrä selletedu, nida kui Protokoll No. 6. sel 11mel Webruaril 1869, No. 16. sel 27mal Mail 1869 ja No. 24. sel 2sel Septembril 1869 tunnistust andwa. 

Wärdi Treumuth andse ka Wärdi Malleuse henda wõlglasses ülles:

Linna säädmisse eest	10 Rubla
Kanga tellete teggemisse eest	5
Katte lamba eest	5
Ütte sikka eest	2
Ütte kokko	22 Rubla

Wärdi Malleus astus kohto ette, nink temmale om se Wärdi Treumuthi kaipus ette loetu. Wärdi Malleus andse selle Wärdi Treumuthi wõlla nõudmisse päle selletust:

1. Linna säädmisse eest lubbas Wärdi Malleus 5 Rubla, selle et Wärdi Treumuth ei olle üttegi töö palka enne nõudno, kui nüüd neide wahhel tülli om tulnu. Tol kõrral kui Wärdi Treumuth minno man olli, es olle temmal üttegi tenistusse kottust ehk tööd, nink temma olli ka ennämb kui kolm näddalat haige. 

2. Nida sammute es olle ka neide kanga tellete töö palka ülle enne middagi ärrä leppitu. 5 Rubla eest wõiwa jo walmi kanga telle ostetus sada eggast kottussest. 

3. Neist kattest lambast koli üts sel sammal talwel ärrä, nink tõise lamba tappi minna ärrä ja lihha jäi minno maija; ent selle lamba nahha müüs Wärdi Treumuth Puusmõtza Ado Puusepal ärrä, ütte Rubla eest, nink se rahha om weel nüüdgi Ado Puusepal massmata. 

4. Selle sikka tapse minna ärrä, nink lihha jäi minno maija, ent selle sikka nahha müüs Wärdi Treumuth Krawi lade pääl 80 Kopka eest ärrä nink wõtse ka selle rahha wasta. 

Tunnistaja Ado Puusep tunnist, et Wärdi Treumuth om temmale selle lamba nahha ilma pesmata ärrä müünu ütte Rubla eest nink se rahha om weel parhilla minno käen. 

Tunnistaja Peter Anzow tunnist, et Wärdi Treumuth om 45 Rubla Tartun Karl Treumuthi kätte andnu, selle wälja ostmisse päle, nida kui jo siin üllewan selle nekruti wälja ostmisse selletusses om ülles kirjotedu. Kui meije Tartust Karl Treumuthika nakkasime koddo ärrä tullema nink Wärdi Treumuth weel piddi Tartu kassarmite jäma; sis küssis Wärdi Treumuth omma welle Karl Treumuthi käest, "kulla welli, anna minnole 5 Rubla rahha, minnole ehk saap siin Tartun, ehk koddo minnen mõnni Rubla ärra kulluma, enne kui minna weel koddo saan. 

Wärdi Malleus nõuwap ka Wärdi Treumuthi käest, mes temmale om andnu:

3 linnast meeste rahwa hammet	2 Rbl 20 Kop.
2 pari kalsu (pükse)	1  2
Ütte kokko	3 Rbl. 20 Kop.

Otsus. 

Wärdi Malleus peap Wärdi Treumuthile masma: 

1 kanga tellete töö eest	2 Rbl.	Kop.
1 sikka lihha eest	1	20
1 lamba lihha eest	1
tõine lammas mes ärrä koolu
Linna säädmisse töö eest	5
Ütte kokko	9 Rbl.	20 Kop.
Üllewan nimmitedu summa mes Wärdi Treumuthil massa om	3	20
Jääp Wärdi Malleussel weel Wärdi Treumuthile massa	6 Rbl.	Kop.
Ado Puusepa käest	1
Ütte kokko	7 Rbl.	Kop.

Se säitse Rubla rahha peawa ne wõlglasse sija koggokonna kohto kätte sisse masma, nink se rahha saap Karl Treumuth wõlla tassumisse päle. 

Päkohtomees Märt Lüüs XXX

Kohtomees Rein Hist XXX

  "  Sahkri Pik XXX