Tulli sija kohto manno Wastse Nõost tummi Jürri Lagus naine Ello nink kaibas temma kaddonu mehhe Essa andno neide rahhast Andres Lagus kätte 50 R. nink enne surremist on Essa tälle üttelnu teil om weel henda 50 R. samata minnol om poja Andres käen 13 1/2 Leisik Linno 2 wakka linna seemnit nink neid woip temma erra muija ja teile erra massa, nink kui se weel tassa ei tee siis om weel temma käen 10 R. mis temmale andnu olle. Nink weel om Andresse käen minno Obbose rahha 45 R. sedda peap temma ka tumma wellel andma.

Olli ette kutsuto Andres Lagus nink wastas küssimisse pääle,

1, Minna ei olle mitte üits koppik tummi welle rahha Essa käest henda kätte sanu weel wähemp 50 R. ei olle ka Essa käest 10 rubla wottnu.

2, Se om õige Essa jättis 13 1/2 leisik linna minno kätte neid ollen minna erra müino ja saige neide eest 2 R.50 Kp a leisik - 33 R. 75

3, weel om minno käen Lehma rahha - 16 R, Obbuse rahha ennegi   43 R ja 2 wakka Linna seemnit mis weel allale om 

Summa 93 R. 75 K

Sest rahhast ollen minna Essa matmisse pääle kullutanu

Saige ette kutsuto tunnistaja Hans Laagus Andresse perris welli nink tunnist kaduno Essa om minnewa suwwel tälle üttelnu et andnu Andressele tummi welle Jürri rahha 50 R nink se rahha peap minno Linnadest nink 2 wakka Linnaseemnist mis Andresse käen tassotus saama, nink kui sest ei saa siis om weel Andresse käen minno rahha 10 R. Ent sedda et se Obbuse rahha tummi wellele peap saama es ütle teedwat. Essa om kaits kord tummile Obbust kül paknu ent temma ei olle wõttnu.

Kutsoti ette tõine tunnistaja welli Jaan Lagus nink tunnist minna ei tija Essa nink Andresse wahhest middagi kas temma om tummi welle käest rahha wõttnu ja Andressele andnu ehk ei olle, muud kui Essa üttel need Linnad ja LInnaseemned mis Andresse käen om, müige erra ning se rahha saap teie rummala Sõssare jaos.

Kutsuti ette kolmas tunnistaja Jaan Matsin Wastse Nõost kes üsna wõeras on, nink tunnist, kadduno wanna Laagus om henne aiges jämist tummi pool ollu nink kõnnelnu minna olle Tummi rahha 50 R. wõttnu ja Andressele andnu Tawitze tallo ostmisse pääle ning minnol om Andresse käen 13 1/2 Leisik LInno ja 2 wakka linnaseemnit nink 10 Rb andsin talle renti massa sellest woip Andres erra massa, ning minno Obbose rahha 45 R. mis Andresse käen om peap ka tummi pojale saama.

Astewa ette Märt Laagus Andresse pool welle nink een nimitedo perriswelli Hans ja ütliwa nemma om kadduno Essa madmisse pääle ennegi lubbano

sest ennamp ei olle tarbis ollu nemma om essi egga üits 2 pätzi leiba ja 1 Lammas ütten wiino nink kirsto osta om Essal üits kuld tukat ollu.

Kutsoti ette tunnistaja Obbose rahha perrast selle walla wöölmolder Jaak Tillisson ning tunnist temma om se Obbose müija ollu ning om saanu nii kui tõise tunnistaja ütlewa 45 R. mis Andres Laagus kätte andnu.

Koggogonna kohto arwaminne nink Moistus

Sest et Andres Laagus ülles anto mattusse kullust üttegi põhja egga tunnistust ei woi saada arwati ennegi sedda mahha sest ülles anto arwust mis Andres Laagus ette pandnu ja liig arwati ollewat. nimmelt

Selle perra om se rehnung niida

Tunnistagide tunnistusse perra om Andres Lagus  

Se 19 R. 30 Kp. nink 2 wakka Linnaseemnit saap neide rummala sõssarele Marri Lagus. 

Sedda rahha 69 R 30 K peap Andres Lagus neilla nädali aija sehhen erra massma.

Tõiste wellede tunnistusse perra arwati Tummi welle Jürri Obbose noudminne tühjas.

Selle selletussega olliwa welled Jaan, Hans nink Märt Lagus rahhul.

Ent Andres Laagus es olle sellega rahhul et Tummile wellele peap masma, sest temma ei ollewat Tumile wõlgo nink kadduno Essa ütlemisse perra peap Linna nink linnaseemne rahha ja mes weel muu kraamist sisse tullep keik rummala sõssarele saama.

Tummi welle Jürri Laagus naine Ello es olle sellega rahhul et Obbose rahha ei sa.

Andres Laagus saige Oppusse leht sel 2l Julil.

Pakohtomees Mihel Koch 

man istja Johan Uint

man istja Jaan Pikson

Prottocoll wälla anto Andres Laagus kätte 5al Julil

kirjotaja MWaldner [allkiri]