Werro koggo kunna kohtun sel 29. julil 1874.

                            Päkohtumees Jaan Melz.

                                Kohtumees Peter Werro.

                                        do.         Peter Wahher.

Tulli ette Iknas Bergheim ja kaiwas et küllä mihhe omma minno lehma sarwe otsa ärra leiganu ja nüüd omma minno lehmä otsan, ja Jaan Lukka om päkarjus too peap tost teedma. -

Jaan Lukka wastutas et küllä perremeeste sissän sai nõu peetus et neil kurjel ellajil peap sama sarwe mahha leikatus, es sa Iknasse lehmäl ütsinda ne sarwe otsa maha leigatus enge muil weel, neljal lehmal ja perrast weel, kattel es sa, neil saiwa kotton leigatus, ja minna (Jaan Lukka) anni sell Iknasele ja temma naisele 3 käsku ka tol kõrral karja manno tulla ja nemma es tulle ja mu perremehhe tulli kiik, ja Jaan Roos ja Jaan Zopp olli tõiste kässu päle neil kigil lehma sarwe leiganu, ni kui Iknase lehmal. -

Jaan Roos wastutas, et se Iknase lehm olli minno lehma uddara läbbi pusknu et olles wai lehmast ilma jänu selle küllä tahtmise perra me leiksi kurjembil lehmil sarwe otse maha. -

Jaan Zopp tunnistas nisammas kui Rooski. -

Peter Paddasep ja Michel Will ütlewa et meil elläjä olli ärrä pustu eggä paiwi, sis ütli karjuse iks et Iknase lehma puskwa ja Tanil Welaki lehma puskwa nüüd ellajit sis sai nõu peetus et sarwe otsa mahha leigatus, ni sai ka kigil kurjel ellajil sarweotsa mahha leigatus. -

Karjuse tunnistase Liso Wil tunnistas et Iknase Bergheimi lehm olli kül kige kurjem karja seen, ja pusk muid ellajit. - ja leigati kige kurjem-

bide ellajide sarwe otsa mahha. 

Marri Roos, Karoline Zopp ja An Udras tunnistiwa ni samma kui Liso Will ki tunnist.

Hindrik Paddosep kes 14 aastat wanna, tun(n)istas: et tood ma näi et Jaan Roosi lehm olli kül werrine ent kesta pusk tood ma ei tija, ja es näe. -

Mõistet. Et päkohtumees om ülle käenu et olles waija olnu kül neil ellajil sarwe otsa leigatu ent milles nemma ilma Iknase lubbada omma ne                 sarwe otsa leiganu mõist koggokonna kohhus egga perremeest 1. ööspäiwas türmi nimmelt Jaan Roos, Jaan Zopp, Peter Paddo-

               sep ja Michel Will. -

               Mõistminne kulutet sel 29 julil 1874.                    

                                                                                  Pä kohtumees Jaan Melz

                                                                                     Kohtumees Peter Werro

                                                                                               do.     Peter Wahher.

Iknas Bergheim kulutas et temma selle mõistmiseka rahhu ei olle palles prottokoli wälja, mes ka anda lubbati.

Se prottokol wälja antu sel 5 august 1874.