Werro koggokunna kohtun sel 29 julil 1874.

                           Pä kohtumees Jaan melz.

                            Kohtumees Peter Werro

                                       do.    Peter Wahher. 

Tulli ette Michel will ja kaiwas et temma om nüüd kulda sanu, et Iknas Bergheimi lehm ollewat temma lehma ärra murdnu ni et ärra om lepnu ja middagi ei olle sanu ja päkarjus Jaan Lukka ja karjuse Jaan Lindaja, Liso Lehtre ja Tina Herm omma sääl tunnistaja. -

Iknas Bergheim wastutas et minna ei tija minna tost ei olle weel kuulnuki milles temma sis enne es wõtta sedda asja ette kui nüüd, kui minno lehma sarwe sai ärra leigatus sis wõt temma ka se asja ette. -

Tun(n)istaja päkarjus Jaan Lukka tunnistas et Iknas Bergheimi lehm käwwe kolm wai nelli näddalit pulli häddan ja tem(m)a es otsi pulli sis käwwe muide ellajide sälga, ja se Michel Will lehm olli kige tassatsemp tole käwwe sälga ja mittu kõrd murd temma tedda mahha.

Jaan Lindaja kes 8 astat wanna tunnistas et tood ma näi et Iknase lehm ai Michel Wil lehma puije waijele maha ja ai pu alt kihhä sisse.

Liso Lehter 65 ast wanna tunnistas et Iknase lehm murs kül Michel Wil lehma mahha ja tükki aja perrast tulli se lehm aiga pitte ülles ja läts tõiste ellajiide sisse ärra.

Tina Herm 60 aas wanna tunnistas et se Michel wil lehm olli kül kige tassatsemb ja se Iknase lehm käwwe iks Michel Wil lehmäle sälga, ja Iknas es otsi pulli, üts kõrd näi et se Iknase lehm murs se Michel Will lehma maha. -

Mõistet. Et abbi kohtumees Michel Humma om ülle kaenu et se lehm om kül wäega haige ja Michel Wil nõud sedda kahjo 10 rubl sis

                mõist koggokunna kohhus et Iknas Bergheim mas 3 rubl Michel Willale sedda lehma kahjo. -

                Mõistminne kulutet sel 29 julil 1874.

                                                 Päkohtumees: Jaan Melz.

                                                  Kohtumees. Peter Werro.

                                                             do.      Peter Wahher.

Iknas Bergheim ja Michel Will kulutase et nemma selle mõistmiseka rahhu ei olle pallese prottokoli wälja mes ka anda lubbati.

Se prottokol wälja ant sel 3 julil 1874.