Werro koggokunna kohtun sel 12 august 1874.

                           Pä kohtumees. Jaan Melz.

                             Kohtumees. Peter Werro

                                       do.     Peter Wahher

Peter naine Ann Jõggewa kaiwas temma sõsaremees Michel Laukmann kaiwas: et minno mees om minno wäega hirmsast pesnu tootallitust, et minna kolitarremanno luggemiste lätsi, sis olli emmä latsega lawwa pääl  sönu ja sögi lawa päle jatnu, sis tulli Karli (se om minno mihhe welli) norde poisaga senna ja olli ne annoma lawa pääl, sis kui ne poisi ärra lätsi sis naksi nemma minno sääl tõrrelema ja sääl lärmitsema ja minna ütli ka mõnne sõnna wasta, sis wei minno mees Peter minno wälja pes wäega, sis es sa weel sest sis tulli Karli ja kisk se latse minno üsjast ärra ja teggi latsele haiget ja kui latse ärra wõtt sis pes Peter minno ni et ma rum(m)alas jäi, ja latsel olli tõine pool kiskmisest haige.

Karli Jõggewa wastutas: et nemma sääl larmizi sis lei Peter temmale kablaga käepäle ja sis wõt Ann latse üska ja läts wälja sis läts Peter tak-

kan ja pes sis lätsi minna wälja ja wõtti kül latse läest ärra ja wei tarre sängu sis ma es näe mes ta sääl teggi. -

Mõistet. Et Karli Jõggewa om temma omma juttu perra awwaldanu et temma om kihhotanu Petret omma naist pessa; ja om latse to perrast                 ärra wõtnu et naist saap pessa 20 witsa lögi ja peap sest majast 8 päiwa sissen ärra minnema tõiste korteri. -