Lesk Marri Mutso Kurristalt tulli lubba päle ette, nink pallub omma kaddunu mehhe Johan Mutso wõllanõudmist Mäksa tallopoja Michel Kurwitsa käest, kes temma wend, ärrä nouda, kui on:

Kutsuti ette: Michel Kurwits ütles küssimisse päle, et se assi jo minnewa aasta siin kohto een kui Johan Mutso alles ellus, ärrä selletedu, seperrast temmal nüd ennamb massa ei olle.

Kunna se nõudmisse assi jo minnewa aasta sel 25. Junil No 33 siin ärrä selletedu nink moistetu, sis moisteti:

Et Michel Kurwitsal weel ennege 1 rubl. selle sängi eest nõudjale massa on kunna Michel Kurwitsa omma ütlemisse järrele ta ennege 1 rubl. selle eest ärrä masnu, muido on nõudjal koggonist rahhule jäda.

Se otsus sai kohto käujile sädust möda kulutedus, nink wõllanõudjale oppusse kirri wälja antus.

Pä kohtom Endrik Kilter XXX

Kohtom Jürri Michelson XXX

Kohtom Dawid Peterson XXX

Kohtom Endrik Schultz XXX

F. Thal <allkiri>, kirjotaja.

Sel 28. Aprili 1867 maksis nõudjale wälja 1 rubl.