Protokoll, sellsammal p. 1. Julil 1866.

Moisawallitsus kaibab et ta eila leidnu moisa ristikheinan mona naised kakkuman, kes ennambeste kiik ärrä joosknu ja jätnu 2 kotti sinna kakkutu heindega. Päle se kui ta koddo tulnu, sis tulnu monamehhe Karl Korroli naine moisade, teinud temmaga tülli nink lärmitsenu, et tedda woetu sitta unnikude päält wallitsejast kinni, ja ei olle tedda, wallitsejad sukkugi rahhule jätta tahtnu. Ta pallub tedda selle kroppi olleki eest trahwi.

Kutsuti ette: Marri Korroli ütleb et ta tulnu ennege wallitsejale kaibama et aidamees Grünberg temma juren heino wargust otsiman käinu ja ähwartanu tedda püssiga mahha laske - kunna ta ei olla sukkugi heinan käunu.

Tunnistaja Mina päiw ütleb et ta ikkes wallitseja wasta krop olnu.

Moisteti: Et Marri Korroli moisahe tülli teggema tulnu, on temmal 1 päiwa wangin ollemisse trahw kanda.

Se otsus sai kohto käujile kulutedus ja se kaiwataw trahwi täismisses kinni pantus.

Pä kohtomees Endrik Kilter XXX

Kohtomees Dawid Peterson XXX

Kohtomees Johan Mähkalla XXX

wöörm. assem. Jaan Armi XXX

F. Thal <allkiri>, kirjotaja.