P. Porga kaibusse asjan kutsuti ette:

3. Tunnistaja Jakob Roma ütles et P. Porga läinud to körd käed taskun toast wälja, wimati tulnu temma weike poeg tänniten et papp ärrä tappetas, sis ta läinud treppi päält minnen nink näinud kui Gusta Brunnowil olnu rinnust P. Porga kinni woetu nink lönu weel 2 körd temma nätten russikaga päha ja essi kissendanu appi. Porga ei temma emmand ei olla tedda lönu wasta. Sis wõtnu kui nemma ärrä lahkunu, Gusta Brunnow nuija maast n. üttelnu et sellega tedda pekstud. Se olnu ennege lõppetus, allustust ta ei näinud.

4. Tunnistaja Johan Ürril tunnistab nisammude.

Kaibaja P. Porga ütleb, et ta nõuda selle peksmisse eest et ta kohhalt ilm süita. 300 (sadda) rubl.

Kunna kaibaja küllen süidi selle tunnistusse järrele ei olle leida, ennege ütsinda kaiwatawa päle süid katsub sis Moisteti: Et Kaiwatawa Gusta Brunnowil selle tunnistusse järrele arwatu 3 lögi eest a' 10 rubl. Kolmkümmend rubl. maksa on - kellest 20 rubl. kaibajale wallu rahhast nink 10 rubl. sija waeste ladikuhe saab.

Se otsus sai kohto käujile kulutedus nink Gusta Brunnowile suremba kohto käimisse tarbis oppusse kirri antus.

Pä kohtomees Endrik Kilter

Kohtomees Dawid Peterson XXX

Kohtomees Johann Mähkalla XXX

F. Thal <allkiri>, kirjotaja.