Wellitse Jaan Hango Wannast Kuustest Karl ja Johan Hango siist wallast, /: Dawid Hango Tartust ei olle kahhe kutsmisse pale tulnu:/ tulliwa lubba päle ette nink kaibawa, et neide essa Johan Hango on mõnne näddale eest ärrä surnu, kes töise naise wõtmisse man 1854 Mail 13dal sädust möda sija koggokonna protokolli ramatuhe omma laste perrandussi lubbaminne ülles lasknu panda, mis nemma sama peawa, kun seisab perran selle perrandusse lubbaja surma saab:

Sest rahhast on senist wälja läinu:

Sest ülle jänu summast mis wälja teep 600 rubl on kaddunu Johan Hango üllespiddamissest tost sadik ärrä kullunu 300 rubl.

selle järrele weel ülle jänu 300 rubl. kellest weel selle surno mattusse päle kullunu ja Karl Hango ommast käest wälja masnu 50 rubl. selle järrele weel ülle jääb 250 rubl. kedda nemma kiik ühte wisi jaggada henne wahhel sowiwa, ent se kaddunu Johan Hango perra jänu naine ei anda sedda neile kätte.

Kutsuti ette: Kaddri Hango kes ütles et ta omma meist Johan Hangot kellega ta 2 aastat ellanu 7 kuud põetanu nink paljo waiwa näinud - olla selle eest ta temmale kahhe kohtomehhe Endrik Kiltiri ja Jürri Michelsoni man ollemissen tõbbe wodi pääl sest rahhast (:250 rubl.:) kiik lubbanu, kunna Johan Hango ka jo 70 rubl. kui üllewel nimmetud kätte sanu ja tüttar Liis kes ka surno ka 29 rubl kätte sanu, ja temma 2 tütrele kummalgi weel wiis rubl.

Kohtomees Endrik Kilter ja Jürri Michelson ütlewa et se kül õige olla.

Johan Hango ütleb et se 70 rubla eest olles tal muud krami nõuda - nink ei olla selle järrele sedda rahha 70 rubl. sukkugi arwata. Nemma kaotawa muidogi ommast perrandussest 700 rubl., mis sest summast ni kui üllewel nimmetud wälja antu, seperrast tahta nemma sest üllejänustki 250 rubl. jaggo sada, uhte wisi.

Moisteti: Et se kaddunu Johan Hango 1.menne lubbaminne mis protokollin seisab kindmast jätta n. selle järrele se jaggo tehha:

mis kahhe näddale eest sija kohto mannu todus peab sama ja ärrä jaotedama, kui nemma selle otsussega rahhule jäwa, ja on neil perrandajil selle eest wastatada et se kaddunu Johan Hango (wõlglassed) wõlla nõudjad kui neid peas ollema, rahhule pantus sawa - kunna nemma Proklami ei tahha ümbre panda laske. Karl Hango saab se mattuse kullo 50 rubl. wälja massetus 300 rublast.

Se otsus sai neile kigile kulutedus, ent Dawid Hangole, kes 2 kutmisse päle ei olle Tartust sija tulnu, saab pä kohtomees kulutama, ne töised jäwa sellega rahhule.

Pä kohtomees Endrik Kilter

Kohtomees Dawid Peterson

Kohtomees Jürri Michelson

Kohtomees Endrik Schulz

F. Thal <allkiri>, kirjotaja.

No 52 jure 1867 ja No 86 1867