Omman kaibusse asjun sest 20. Maist No 41 Michel Roma wasta, tulli lubba päle ette Jaan Mollok nink ütleb, et Johan Pusik woida tunnistada temma wargost Michel Roma päle nink pallub tedda ülle kulata.

Kutsuti ette: Tun. Johan Pusik kes ütles, et temma olles ükskörd wälja pääl kuulnu, kui Michel Roma käest temma wähhamb wend Endrik Roma, kes weel kolis käimata, küssinu, mil modul ta se rahha taskost wälja sanu. Selle päle olles Michel Roma wastutanu, et ta pandnu tassakeisi käe taskuhe etc. kui ta omma käe taskust rahhaga wälja tõmbanu, olles ta henda omma maggamisse kohta ärrä weritanu. Nemma ei olle essite üks töist kui se kõnne olnu, mitte näinud, ei olla ta, Johann Pusik, ka kohhe sest kõnnest arro sanu, ent wimati märkinu ta ärrä kui ta näinud, et se kõnneleja Michel Roma omma wennaga olnu - arwatu 20 sammo kaugussel - et ta se warras on, nink andnu sedda Jaan Mollokile teda, neile hendale ei olla ta siis sõnnagi lausnu.

Michel ja Endrik Roma ei ütle sest middagi teedwad, ei olla ka Michel Roma mitte warrastanu, ei wimate selle ülle kui tunnistedu kõnnelnu ei ka Johan Pusikat näinud.

Kunna temmal, kaibajal, selgembad tunnistust ei olle kui se, sis moisteti: Et kaibajal weel selgembad tunnistust otsi on.

Se otsus sai kohto käujile suremba kohto käumisse oppussega kulutedus.

Pä kohtomees Endrik Kilter

Kohtomees Dawid Peterson

Kohtomees Jürri Michelson

Kohtomees Endrik Schultz

F. Thal <allkiri>, kirjotaja.