Josomoisan  sel 20. webruar 1864.

                          Koon olliwa Kohtomehhe Ado Kehrberg

                                                                       Jaan Turwas

                                                                       Peter Thal. -

Ne wargusse asja, mis perrast Jaan Jürgenson ja Peter Pillega 2al januaril sai selletedus ja nõutus, omma nüüd awwalikus sanu; sest nemma essi tunnistawa ärra, et nemma Koijola küllast omma warrastanu: üts pihtsärk, üts hamme ütte püksi ja üts köüts.

Pihtsark ja hamme om(m)a Petri kätte jänu. Püksi ja köüts Janile sanu. -

Peter om hamme ärra piddanu ja pihtsärgi walla perremehhele, Michel Wassiljewile 70 kopika eest ärra münu.

Jaan om püksi ärra piddanu ja jälle köütse M. Wassiljewile 1/2 tobi wina eest münu.

Moistm: Peter peap hamme eest neide meeste lepmisse perra (kelle omma ne asja oma) 40 kopik masma, ja pihtsärgi massap ostja

               Jaan Jürgenson massap pükse eest  rõiwa, köuts jääp ostja massa. Wargusse eest sawa mõllemba tonatse mõistetu trahwi.

Michel Wassiljewil es olle mitte lubba warrastetu asju osta, sest et tem(m)a sedda tese, et üts pihtsärk mes 2 rbl wäärt om ei müwa 70 koppka eest ja päelegi, et neil köüts essi suggugi ei olle. Sis peap Michel pihtsärgi taggasi andma ja köütse eest 30 koppikat masma, nink wargusse eest saap 30 witsa löki.

                                                                        J Kehrberg.