Joso moisan sel 29. mail 1864.

                  Koon olliwa Kohtomehhe Ado Kehrberg

                                                               Jaan Turwas

                                                               Peter Thal. -

Joso walla perremees Jacob Torrop om kaibanu, et tem(m)a hobbene moisa palke weddamisse man pu alla om ajetu ja ärra teppetus sanu; - nimmelt sedda wisi: Jacobi poig om palgi mahha raggonu, - toine teomees Thomas Lindaja om ka kuse palgi terwis raggonu ent se ei olle mahha län(n)u enge tõise pu päle ülles jänu, selleperrast om Thomas Lindaja ütte hawa-pu raggon ja tahtnu kusele päle laske, et seddawisi mahha läsi, ent se haab ei olle mitte kuse päle lännu enge tõisilde käändnu ja jälle pu külge ülles jänu. -

Päle selle om Jakobi poig ommale hobbeselle palki nakkanu päle pannema, ja hobbese palgi ladwa manno ajanu nink tahtnu latwa päle pan-

da, et ilma neide üllewan saiswide puije alla puttumada wälja woisi sada; - selle päle om wallitseja manno tulnu nink üttelnu, se om asjanda, et teije kats kõrda nakkate palki päle tõstma ja aiga wiitma - ajage hobbene tüwwe manno, - nink om essi ohja wõtnu, hobbuse palgi tüwwe manno ajanu, - sääl om(m)a sis palgi päle pandnu ja seddamaid om jälle wallitseja ohja wõtnu ja hobbest ajama nakkan, seni kui parrajast selle hawa alla sanu, sis om se haab mahha saddanu õkwa hobbeselle päle ja toda tapnu. -

Wallitseja ja Thomas Lindaja omma ette kutsutu, nem(m)a ütlewa sedda asja kiik nida ollewat.

Moistmin(n)e  Kohhos om arwanu sedda hobbese hinda 15 rubla ja om moist kolme päle tassoda: 

            1, Thomas Lindajale selle eest, et tem(m)a sedda puud, kui tem(m)a kül ülles jäije, es tohhi ülles jätta, enge peddi mahha laskma, 

            2, om wallitseja selle eest süüdlanne, et tem(m)a es lasse poisil ni palki päle panda, kui tem(m)a tahtse; ja essi hobbest sen(n)a ajanu                  - ehk tem(m)a kül näggi, et pu üllewan olli

            3, jääp Jakobi henda kanda kolmas jaggo, selle, et tem(m)a teo-päiwa teggemisse pääl se kahjo om johtun(n)u. 

Nida jääp siis eggale üttele 5 rbl massa.

Jacobi käest om nõwwetu selle hobbese hida, kui paljo tem(m)a wäärt om, - tem(m)a ütlep teda 20 rbl maswat.