Tulli ette Arro Ropka karjusse naine Liiso Märtinson ning kaibas wasto wallitsega Karl Schmidt pühhapäiw ommugu tulli Wallitseja temma tuppa ning tahtnu wöttind saada temma ei olle andnu siis lännowa tülli, siis wöttno wallitseja tedda ollast kinni ja weddanu henda tarre nink pessno sääl mööda kõrwo. Liisa Märtinson nõudis 100 Rubla.

Kutsoti ette wallitseja Schmidt ning es salga temma wöttno kül päle selle kui naine tedda sagsa ma Ulgoses n.n.e. söimano tedda ollast kinni wiino henda tarre sält tahtno wöttind wötta et tedda Aita kinni panna ent ei olle tedda mitte sääl lööno.

Ette tulli tunnistaja Karel Usa  nink tunnist temma nänno kui Schmidt naise ollast kinni wõttnu ja naine sattanu läwwe pääle mahha ent mis Schmidt henda tarren tenno sedda es ütle näggewat.

Nisasammote tunnist Ann Püss.

Moistus

Karel Schmidt massap naisele  15 R., selle walla Ladiko - 3 R. ning Pühhapäiwa teotamisse eest kerko Ladiko - 3 R.

Selle moistussega es olle kumbgi rahhul.

Se moistus saige möllembile kohtokäigille Sadusse ramato perra 1860 Aastast § 772-773 erra selletetus.

Pakohtomees Mihel Koch

abbi   "   Johan Uint

abbi   "   Jaan Pikson

Karel Schmidt saige Prottocoll 14n Febr. Liiso Märtin son es tulle wõttma.

kirjotaja MWaldner [allkiri]