Josomoisan sel 17. juni 1865.

                        Koon olliwa Kohtomehhe Ado Kehrberg

                                                                     Jaan Tilger

                                                                      Jürri Pallak

                                           Wöörmonder Hans Saks. -

Waimella walla naisterahwas, kes nüüd Joso wallan ellap, om kaibanu, et Joso walla mees Andres Kachre tedda om pesnu:

Andres Kachre ütlep, kui tem(m)a ette kutsuti, minna ei olle tedda mitte lönu, enge tõuganu; se tülli tulli nida; M.K. om meil öitse waht ja tem(m)a om minno poiga jo wiis kõrda pesnu nink se olli jo wijes kõrd kui tem(m)a jälle õddango poisi olli pesnu ja pois tulli öse koddo, selle päle lätsi mina öitse manno ja ütli: kuis sinna sedda wisi woite tetta; tem(m)a nakkas minno sõimama; selle päle tõuksi minna tedda kül. -

Tunnistaja: Johani poig Johann Herm Adami p. Johan Pallo ja Jani p. Hendrik Krebbetz om(m)a sedda  tülli nännu, selleperrast om neid ette kutsutu, nem(m)a ütlewa: Kui Andres öitse manno tulli naksiwa nem(m)a tülli ja toine tõist sõimama sis leije Andres Margretale ütte witsaga - päle se lätsiwa nem(m)a tulle mant ärra. Sis meije ennamb middagi es näe. -

Moistm: Et Margretal õigust es olle ni mittu kõrda toise last pessa - nink nisam(m)ate es woi Andres tedda essi selle eest trahwi, sis om 

                kohhus moistnu, et mõllemba peawa 50 kop hõbbedat Joso waeste ladiko masma. -

                                                                         J Kehrberg  kirjotaja