Josomoisan sel 21. märtz 1867.

                      Koon olliwa Kohtomehhe J. Tilger  A. Hendrikson  J. Pillak

                                             Wöörmonder M. Törrop. -

Ne Josowalla mehhe kes wargusse perrast ommawa trahwi kandnu omma koggokonna kohto ette tulnu, nink kaibanu, et walla wannemb 

A. Ritzar om ka sedda wargust wasta wõtnu Jaan Herma käest 1. paar sapid 1 tük rauda 2 podi piitska  1 tük mürki, nink Jaan Herm tunnis-

tap essi et tem(m)a se rawwa ja 2 piitska essi Ado pole wenu ja ne sapa om temma te pääl andnu ja sedda mürki linan andnu.

Koggokonna kohhus om Ado ette kutsnu, tem(m)a ütlep: Min(n)a majan ei olle kige wähhembat warrastetu hääd, ei olle ka middagi wasta wõtnu: Nink selleperrast, et arwata om, et se kiusamisse perrast om nida kül ette woetu, sis lassep A. R. Jaan Herma wahhi alla panna, et se assi awwalikkus saas.

Perrast sedda om Jaan sedda ärra tunnistanu, nink selle tunnistusse kuulja omma kohtomees A. Hendrikson ja Wöörmonder M Torrop. 

Jaan Herm ütlep: Ado Tilger olli kige eddimenne selle nõwwo andja, kõnnelemi nida, sis peap temma ka nisamate sama ja ammetist wallale sama. Nink pühhäpaiwa õddango tulliwa nemma kiik kokko ja peijewa selle nõwwo, et teme sedda wisi, sis saap temma ka nisamma hääs ja Ado Tilger wõtse minno ümbre kala kinni ja üttel: Sedda sinna kõnnele mes meije sinnole olleme üttelnu: Minna ütli päle: - Kui teije allos-

tade kül sis minna ka ütle pale: - Ja sellesamma nõwwoga lätsime meije kohto ette. Kiik ne tunnistaja omma: 

  Jaan Hakman, Peter Hakman, Gegor Hütt, Ado Tilger, Peter Listak, Andres Kahre. Nink kiik ne tunnistaja om(m)a ka sääl nõwwo pääl koon olnu: Kui kiik nõwwo om ärra petu sis om(m)a küssinu: Kes sedda asja allostap; ja Peter Listak om üttelnu: Noh olgo päle, - kül minna allos-

ta. -

Sedda kiik om Jaan Herm tunnistanu neide üllewan nimmited kohto liikmid een. -

                                         A. Hendriksohnn  XXX

                                         M. Torrop  XXX

                                         J Kehrberg kirjotaja assemel

Moistmin: Kohhos om mõistnu: Jaan Herm saap selle eest, et ta tõise kihhotamisse perra om wolsnu  30 witsa löki.

Johan Herm ei olle koggokona kohto käsko kuulnu enge om eggakõrd ommal pojal lasknu ümbre käwwa ja warrastada selle eest saap temma 

20 witsa löki.

Peter Listak om Jaan Herma 1 Petserihe wenu ja tõine kõrd Tarto Andres Kahrega wenu selleperrast saap Peter Listak25 witsa loki ja Andres Kahre 15 witsa löki. -

Selle et Peter Listak selle pari rahkid ja 2 pari sapad Jaan Herma käest om wõtnu, saap temma 20 witsa löki. -