Protokolli n 64 manno

Kutsmise perra olliwa ette tulnu Ann Rüster nink tema and eensaiswa asja ülle wastust, et temma sellest Mai Kommeri rassest samisest middagi ei tija, kui et temmal Januari kuu pole pääl 1880 aastal kül weel ku rõiwa omma olnu, ent Webruari kuul om tema kül rasse jalalitse tähti mida kui ossendamist selle tütriku man tähele pandnu.

Selle päle es ütle kohtun käuja ennamb middagi ütlemist ollewat, sis

Mõisteti

et Tannil Redi kui awalikus sanu selle latse esa peap selle latse ülles kaswatamise tarwis 60 rubla hõbbedat se om egga aasta 6 rubla Mai Kommeri hääs ärra masma, selleperrast, et Redi sedda asja mitte tõiste päle awwalikus es sa tetta.

Se kohtu otsus saije kohtun käujile kulutedus ja tallo rahwa säduse ramatust 1860 aastast § 773, 774 pera ärra selletedus ja § 881 perra opusleht wälja antus.

man saisja Gustaw Ehrlich

päkohtumees Jaan Wärs [allkiri]

kohtumees Jaan Hallop [allkiri]

      "             Jaan Ruus [allkiri]

Kirjotj. J.Kirrop