Josomoisan sel 10 augustil 1867.

                                                         Koon olliwa: Kohtomehhe. -

Kaibam: Worro walla soldat Johann Laas om kaibanu, et Joso walla perremees Peter Adel om temma poja kewwaja hendale karja wõtnu, selle leppingoga, et tem(m)a tedda süggiseni peap ja nüüd om 12 julil ärra ajanu. -

Peter Adel om ette kutsutu. Temma ütlep: Minna ei olle tedda ütte sõnnaga ajanu, kats kõrda läts temma enne sedda ärra, minna piddi to innemisse karja saatma ja tõise innimesse temmale perra saatma, se olli kolmas kõrd sis minna ennamb temmale perrä es lä, - enge otse hendale tõise karjusse. -

Se pois om ette kutsutu temma ütlep, perrenaine andse minnole rõiwa kätte ja aije minno ärra. - ent minnewa kohto päiwal. kui siin koggo-

konna-kohto man sisse kaipsiwa, sis üttel se pois siin, kui tem(m)a käest küssiti: Kes sinno ärra aije?- "Wanna Peter pilse minno rõiwa ülle aida läwwe wälja ja üttel: minne kos sa tahhat, minnole sinno waja ei olle. -

Peter Adel ütlep tem(m)a läts lõuna aigo ärra, minna sadi perrenaise karja ja lätsi essi tõist karjust otsma, selle õddango pole olli temma tõise tallomehhe wiljan olnu säält õddango tulnu, om(m)a rõiwa wõtnu nink ärra lännu. -

Minna temmale ennamb perra es lä. -

Sesamma mees kaibap weel, Joso kohtomees Andres Hendrikson temma poiga om lasknu pessa, - pois ütlep 9 witsa löki. -

Andres Hendrikson ütlep Michel Müürsep kaibas minnole et karjusse temma linna ülles om kaknu, minna kutsi neid selle linna manno

Peter Otza poig ja selle mehhe poig, - nem(m)a tunnistiwa ärra et nemma kaknu omma. -

Minna lassi neid mõllembid 5 witsa lögiga trahwi. -

Pois ütlep:"Kui minna eddimest kõrda ärra lätsi sis perremees kak minno ja leije; - sedda näggi Anno Otz. -

Anno Otz om koggokonna kohtomehhe läbbi sanu kohto ette kutsutus, ent temma ei olle tulnu, enge om üttelnu, Minna ei olle middagi kuulnu egga nännu.- 

Tunnistaja: Peter Otz, Michel Müürsep, Peter Adel ja An Müürsep omma kiik sääl man olnu, kui neid poise om trahwitu, nink selleperrast omma nem(m)a koggokonna kohto ette kutsutu tunnistama. Nemma tunnistawa kiik ütte wisi ja ütlewa, et mõllemba poisi saiwa 5 witsa löki. 

Üllewen nimmitedu soldat kaibap jälle, et temma lats omma särgi Peter Adeli man ärra piddanu. Peter om ette kutsutu, tem(m)a ütlep: minna andsi tälle rõiwa sälga, - tem(m)a wõtse jäle wahhel omme rõiwid, egga minna tedda keelda egga kõrd es sa. -

Selle soldati nõudminne om siin koggokonna-kohto een 3 rbla ja leppitu ajastaja palka. -

Moistm: Kohhus om moistnu: Et Peter Adel sedda poisi ei olle ajanu nink pälegi 3 kõrd ja ärra om lännu, sis ei olle P. Adeli Sädusse § 383                       perra mitte selle poisile palka massa. - 

               Ent et Peter poisil om lasknu mõnni kõrd tem(m)a om(m)e rõiwit säljan pitta selleperrast peap Peter tem(m)ale 1 rbl. hõbbedat                         masma.