Kohtomees Jürri Konnimus kaibab 1. et perrem. Jürri Michelson ei olla tonu 2 palki talwel walda tarre ehhitusse jure kelleperrast nüüd se ehhitus polele olla;

2; Kaibab temma et Jürri Michelson ei olla tulnu kässu päle 1 pühhapäiw moisa mõtsa kistutama, nink üttelnu, las moisa mõtsal pallada päle, kui pallab.

Kaewataw Jürri MIchelson wabbandab, et ta jo 1 palk ommast koddost ärrä winu, selleperrast et moisa ennamb mõtsast ei anna, ja mõtsa kistutamisse ta wasta ei pandnu, ta ei olnu sukkugi koddon, kui käsk tulnu.

Nisamma ei olla ka Kurwitsa Johan mõtsa kistutama läinud, kes ka wabbandab, et temma olnu Allesoon.

Moisteti: 1) Et Jürri Michelsonil weel 1 palk ehhitusse manno wija ja 1 rubla trahwi wastapannemisse eest waeste ladikuhe massa, 9. Aug. massis 50 C. ärrä, 50 C. jäeti mahha.

2) Et Johan Kurwitsal wastapannemisse eest 1 rubla waeste ladikuhe massa on 2 näddaleperrast, ehk tunnistust tua, et ta ei olla koddon olnu.

Se otsus sai kulutud.