Josomoisan sel 6. nowembl 1867.

                                                          Koon olliwa kohtomehhe: -

Kaibam: Hans Saks om kaibanu, et temma sullane Peter Müürsep omma linna ülles kuiwama pandnu poolpäiwatsel päiwal, Hans essi om pühhäpawa kerkohe lännu ja üttelnu: Wanna Peetre! täämba sinna neid linno ärra kütko, egga neist ni pea ajada ei sa. Wanna Peter olli perran sedda pühhapäiwal ahja pallama pandnu, - sis perremehhe hobbese wõtnu, ette pandnu, - ja sis omma linna ärra ajanu, ni et hobbene ligges lännu. -

Kui Hans pühhäpäiwa oddango koddo tulnu, om löidnu, et hobbene liggedas aetu, selle ülle om sis tedda tõrrelnu. -

Peter Müürsep om selle päle omma pojaga walla wannemba Ado Ritzari pole pühha päiwa õddango erra lännu, sääl om kige selle öö olnu; sääl om sis kaibanu et Hans om moisa ristikhaino warrastanu. Ado Ritzar om Hanso pole lännu sedda asja ülle kullema. - Hans om üttelnu minno majan ei olle ennamb ristikhaina korrekest  kui, - suwwel Hendrik Will masse minnole 2 leisikat ristikhainu neid panni minna omma korjussehhe. -  Hendrik Will om sinna kutsutu, temma ütlep: minna tõije ne ristikhaina suwwel, mes mul wõlgo woetu olliwa. -

Moistm: Kohhus om moistnu, Peter Müürsep saap selle eest et tem(m)a ilma asjanda tõist wargas om tennu 15 witsa löki.

                             Kohtomehha  Andres Hendriksohnn

                               2        "           Jürri Pollak

                               3      "             Karel Prükk

                                                                              J Kehrberg kirjotaja

Peter Müürsep om ette kutsutu, temma ütlep: minna olle selle asja man kül süüdlanne: Hans om kül selle hobbese trotsmisse kül kinknu, ent sedda ei tahha temma jätta, et temma tedda henda wargas om tennu.