Karl Warblane kaipas Karl Treumuthi päle, et Karli essa om temmale wõlgo 10 Rubla selget rahha, ja ka temma poja 1 aasta sullase palk. 

Karl Treumuth ütles, et temmal Karl Warblasele üttegi wõlga massa ei olle, nink ei tija ka, mes temma essal kellegi käest wõlgo om wõetu olnu.

Tunnistaja wallawannemb Johann Zimmer mälletap selgest, et temma om sellest asjast kuuldnu, et Tawit Treumuth Karl Warblasele wõlgu om, kui paljo sedda rahha om olnu ei mälleta minna. 

Tunnistaja Karl Post ütles, et temma ka om kuuldnu, et Karl Warblane Tawit Treumuth'ile 10 Rubla rahha om lainanu ja ka ütte aasta sullase palk. 

Selle kinnitusses ütles Ado Puusep, et 1 wak kartohwlid Tawit Treumuthi maa pääl om odusses wälja pandu olnu. 

Otsus.

Karl Treumuth, kui Tawit Treumuthi warrandusse perrandaja, massap se 10 Rubla selget rahha ja ka se sullase 1 aasta palk 10 Rubla, ütte kokko 20 Rbla. Karl Warblasele ärrä katte näddäla sissen. 

Kui ei tahha rahhul olla selle kohtu otsusega, peap ütte näddale aja sissen Protokolli wälja wõtma kui surembat kohhut tahhap käwwä. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX