Wanna Koiola, sel 11. september 1867.

               Kiik koggokonna kohhus koon. -

Aija mõtsa saks Dreifeld kaibap, et üts Wanna Koiola mees, om ütte peddaja ärra warrastanu, kumb 13 tolli kannu päält om jämme olnu nink 40 jalga pik. Nink om 8sa jallalisses pakkus ärra lõiknu ja kissi lawwas kisknu, kumba, mõtsa sasa Jaan Juhkami poolt ülles löudnu.

Jaan Juhkam tulli ette nink and ülles, et temma om sedda peddajat, kumba ta kisse lawwas kisknu, mai kuul s.a. Wan(n)ast küllast Peep Tob-

relutz käest tonu. -

Aijja kohtomees Josep Klaos ja Wan(n)a Koiola wöörmonder Peter Haidak omma neid kisselaude ülle kaenu -

Löudnu: et ne lawwa omma wärskilt kistu nink neide lõikatu pakku pikkussega punkti pääl kokko sündinu.

Jaan Juhkam om kül Peep Tobrelutz käest perran sedda ülle kaemist ütte peddaja tonu ja om seperrast temma tunnistus wõlsis arwatu.

Mõtsa saks nõwwap se peddaja eest kogo trahwiga kokko Jaan Juhkami käest 7,68 kopk.

Mõistetu: Jaan Juhkam peap, selle peddaja eest kumba temma om raggonu mõtsa saksale Dreifelt 7 rubl masma. -

Jaan Juhkam ei olle selle kohtu otsussega rahhu ja tahhap surembat kohhut kaewwa.

                                Kohtowannemb:

                                        Kohtomees J. Pihho  XXX

                                                  do       A. Hurt  XXX

                                          Kirjotaja: P Blain