Jaan Malleus kaipas siin koggokonna kohto een, et temmal sel 14mal Märtsil, se om pühhapäiwal kella 4 ajal päle lõunet 400 Rubla rahha tarrest sängi pää padja alt om ärrä warrastedu nink arwap et sedda rahha muid keddaki ei olle warrastanu, kui Peter Mändike naine Leno.
Leno Mändik astus kohtu ette nink temmält: "Kos sinna selle ärrä warrastedu rahha ollete pandnu?" Selle päle kostis Leno Mändik: "Minna ei olle sedda rahha warrastanu ja ei tija ka middake selle rahha wargussest - minna olle ilm süda."
Tunnistaja Karl Lazarus astus kohto ette nink temmalt om küssitu: "Mes sinna sellest rahha wargussest ollet kuuldnu?" Karl Latzarus tunnistas nida: "Kui minna ja Peter Mändik poolpäiwa päle lõune mõtsast koddo tullin, ütles Peter Mändik minnole: "Wõtta sinna se Jaan Malleuse rahha sängüst pää padja alt ärrä, ja matta hobbeste talli sitta alla ärrä, (kesset talli) sääl ei löwweta se rahha mitte ni ruttu ülles." Minna ütlesi selle päle Peter Mändikele: "Kuis sinna minnole nida suggust kurja nõuwo wõit anda, se om jo pääwäärt süüd, selle kurja töö perran saap innimenne Sibberi male ärrä sadetus." Peter Mändik ütles minnole: "tühhi kik, kui se rahha õige mehhe kätte saap, sis om se rahha nida ärrä kaddunu kui tinna tuhha sisse; sinna pelgat et sinno kohhut wanduma pannep, mes sest! minna olle jo kats kõrd wannutedu kohtu een, sis wõit sinna ka ommeti üts kõrd kohto een wanduta." Minna ütlesi Peter Mändikele: "Kes wõlsi wandet wannup, se teep suurt pattu nink Jummal ei jättä nida suggust pattu nuhtlemata." Selle päle ütles Peter Mändik: "Tühhi pelg, minna olle kats kõrd wandunu kohto een nink minnol ei olle üttegi wigga olnu. "
Tõine kõrd koddon puu riida een ütles Peter Mändik nink temma naine Leno olli ka manu ja kuuldse sedda Petre juttu: "Jaan Malleusel om rahha sängin pää padja all; kui mõnni mees sedda rahha saap ärrä warrastada, ei olle perse ka mitte haige."
Kolmandat kõrda ütles Peter Mändik pühhapäiwal sel 14. Märtsil õddakult mõtsa weeren Ritsi silla man minnole: "Kahjo et sinna koddon es olle, nüüd olli hää aig maa pääl, täämba kige selle päle lõune olli tarre kigest rahwast tühhi, nüüd olles parras aig olnu sedda rahha ärrä warrasteda."
Neljandamat kõrda ütles Leno Mändik pühhapäiwa kesk päiwa ajal tarren minnole: "wõtta sinna se rahha sängist pää allotse padja alt ärrä nink panne se rahha hobbese sitta alla, ehk agganiku (Raffscheune) agganite sisse, säält ei lõida ni ruttu ülles." Leno Mändik ütles ka minnole: "wõtta sinna sellest rahhast essi hendale ka 10 Rubla."
Peter Mändik astus kohto ette nink temma käest küssiti: "Mes sinna sellest Jaan Malleuse rahha wargussest tijate." Selle päle kostis Peter Mändik: "Poolpäiwal sel 13mal Märtsil ütles Karl Lazarus minnole puu riida een: "Jaan Malleusel om sängun pää padja all rahha ütte witsatse korwi sissen, säält olles üts hää käppä täus (Handwoll) sedda rahha ärrä wõtta;" minna ütli selle päle Karl Lazarusele: "Pois, kas sinna hull ollet nink tahhat tõiste innimestele nida suurt kurja tetta." Tõine kõrd ütles Karl Lazarus Waltina kõrtsi minnen pühhapäiwa õddakult Ritsi silla mann minnole: "Kui minna Jaan Malleuse rahha olles kätte sanu, sis olles minna wõinu Waltina kõrtsin ollut juwwa." Muud ei tija minna tunnistada. "
Eespäiwa sel 15. Märtsil hommukult enne lõunat küssis kohto mees Ado Puusep Peter Mändike käest: "Kule Peter! kas sinna ei tija sellest rahha wargussest middake selletust anda, ehk ollet sinna wahhest mõnni kõrd kuuldnu, kui selle rahha wargusse perrast om kurja nõuwo om peetu, mil kombel sedda rahha wõip ärrä warrastada?" Selle päle om Peter Mändik kohtumehhe Ado Puusepale kostnu: "Kulla welli Ado minna ei tija ja ei olle selle rahha asjast ka middake kuuldnu ja weel wahhemb middake nännu, nõutke ja kullelke Leno ja muide laste käest sedda rahha asja perra, ehk om se rahha sitta sisse ärrä mattetu ehk agganiku aggande sisse ärrä käkkitu.
Sel 16. Märtsil hommukult warra löwweti se ärrä warrastedu 400 rubla rahha kik terwelt ilma pudumata nida kui se rahha ütte korwi sisse pantu olli nink ka weel ütte rätti sisse olli mähhitu - sisse poolt agganikust usse een põrmantu päält, nink olli selgeste tutta et se rahha sest 14mast Märtsist kuni 16mani Märtsini tõpra sitta (Dünger) all om olnu, sedda tähhentust annap se rätt, mes selle rahha korwi ümbre olli mähhitu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
Copia an Ein Kaiserliches Werrosches Ordnungsgericht d. 17. März 1871.
Jaan Malleus kaipas siin koggokonna kohto een, et temmal sel 14mal Märtsil, se om pühhapäiwal kella 4 ajal päle lõunet 400 Rubla rahha tarrest sängi pää padja alt om ärrä warrastedu nink arwap et sedda rahha muid keddaki ei olle warrastanu, kui Peter Mändike naine Leno.
Leno Mändik astus kohtu ette nink temmält: "Kos sinna selle ärrä warrastedu rahha ollete pandnu?" Selle päle kostis Leno Mändik: "Minna ei olle sedda rahha warrastanu ja ei tija ka middake selle rahha wargussest - minna olle ilm süda."
Tunnistaja Karl Lazarus astus kohto ette nink temmalt om küssitu: "Mes sinna sellest rahha wargussest ollet kuuldnu?" Karl Latzarus tunnistas nida: "Kui minna ja Peter Mändik poolpäiwa päle lõune mõtsast koddo tullin, ütles Peter Mändik minnole: "Wõtta sinna se Jaan Malleuse rahha sängüst pää padja alt ärrä, ja matta hobbeste talli sitta alla ärrä, (kesset talli) sääl ei löwweta se rahha mitte ni ruttu ülles." Minna ütlesi selle päle Peter Mändikele: "Kuis sinna minnole nida suggust kurja nõuwo wõit anda, se om jo pääwäärt süüd, selle kurja töö perran saap innimenne Sibberi male ärrä sadetus." Peter Mändik ütles minnole: "tühhi kik, kui se rahha õige mehhe kätte saap, sis om se rahha nida ärrä kaddunu kui tinna tuhha sisse; sinna pelgat et sinno kohhut wanduma pannep, mes sest! minna olle jo kats kõrd wannutedu kohtu een, sis wõit sinna ka ommeti üts kõrd kohto een wanduta." Minna ütlesi Peter Mändikele: "Kes wõlsi wandet wannup, se teep suurt pattu nink Jummal ei jättä nida suggust pattu nuhtlemata." Selle päle ütles Peter Mändik: "Tühhi pelg, minna olle kats kõrd wandunu kohto een nink minnol ei olle üttegi wigga olnu. "
Tõine kõrd koddon puu riida een ütles Peter Mändik nink temma naine Leno olli ka manu ja kuuldse sedda Petre juttu: "Jaan Malleusel om rahha sängin pää padja all; kui mõnni mees sedda rahha saap ärrä warrastada, ei olle perse ka mitte haige."
Kolmandat kõrda ütles Peter Mändik pühhapäiwal sel 14. Märtsil õddakult mõtsa weeren Ritsi silla man minnole: "Kahjo et sinna koddon es olle, nüüd olli hää aig maa pääl, täämba kige selle päle lõune olli tarre kigest rahwast tühhi, nüüd olles parras aig olnu sedda rahha ärrä warrasteda."
Neljandamat kõrda ütles Leno Mändik pühhapäiwa kesk päiwa ajal tarren minnole: "wõtta sinna se rahha sängist pää allotse padja alt ärrä nink panne se rahha hobbese sitta alla, ehk agganiku (Raffscheune) agganite sisse, säält ei lõida ni ruttu ülles." Leno Mändik ütles ka minnole: "wõtta sinna sellest rahhast essi hendale ka 10 Rubla."
Peter Mändik astus kohto ette nink temma käest küssiti: "Mes sinna sellest Jaan Malleuse rahha wargussest tijate." Selle päle kostis Peter Mändik: "Poolpäiwal sel 13mal Märtsil ütles Karl Lazarus minnole puu riida een: "Jaan Malleusel om sängun pää padja all rahha ütte witsatse korwi sissen, säält olles üts hää käppä täus (Handwoll) sedda rahha ärrä wõtta;" minna ütli selle päle Karl Lazarusele: "Pois, kas sinna hull ollet nink tahhat tõiste innimestele nida suurt kurja tetta." Tõine kõrd ütles Karl Lazarus Waltina kõrtsi minnen pühhapäiwa õddakult Ritsi silla mann minnole: "Kui minna Jaan Malleuse rahha olles kätte sanu, sis olles minna wõinu Waltina kõrtsin ollut juwwa." Muud ei tija minna tunnistada. "
Eespäiwa sel 15. Märtsil hommukult enne lõunat küssis kohto mees Ado Puusep Peter Mändike käest: "Kule Peter! kas sinna ei tija sellest rahha wargussest middake selletust anda, ehk ollet sinna wahhest mõnni kõrd kuuldnu, kui selle rahha wargusse perrast om kurja nõuwo om peetu, mil kombel sedda rahha wõip ärrä warrastada?" Selle päle om Peter Mändik kohtumehhe Ado Puusepale kostnu: "Kulla welli Ado minna ei tija ja ei olle selle rahha asjast ka middake kuuldnu ja weel wahhemb middake nännu, nõutke ja kullelke Leno ja muide laste käest sedda rahha asja perra, ehk om se rahha sitta sisse ärrä mattetu ehk agganiku aggande sisse ärrä käkkitu.
Sel 16. Märtsil hommukult warra löwweti se ärrä warrastedu 400 rubla rahha kik terwelt ilma pudumata nida kui se rahha ütte korwi sisse pantu olli nink ka weel ütte rätti sisse olli mähhitu - sisse poolt agganikust usse een põrmantu päält, nink olli selgeste tutta et se rahha sest 14mast Märtsist kuni 16mani Märtsini tõpra sitta (Dünger) all om olnu, sedda tähhentust annap se rätt, mes selle rahha korwi ümbre olli mähhitu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
Copia an Ein Kaiserliches Werrosches Ordnungsgericht d. 17. März 1871.
