Johhan Kussal Saarjärwelt tulli ette nink kaibas, et temma om ommi linno mümast Wilhelm Wohnu´ga Wanna Koiola Wisse kõrtsi tulnu, sääl omma ütte wiina jonu, kumba om(m)a nännu kõrtsimees Fritz Wijand, Mihkel Pikk nink Peter Kurd et temmal om rahha olnu 22 rubl, om kar-

manihe pandnu, päle se om Wilhelm Wõhnu tedda wäggise kõrtsist wälja wenu, enne sedda wälja minnekit olla kõrtsimees weel üüdnu, "kos sa tedda wiit - sinna lasset ta rahha ärra warrastada."

Ne üllewal nimmetedu selle asja näggija saijewa ette kutsutus, kes ütliwa, kiik ni ollew õige olnu, kui Johhan Kussal om selletanu. -

Wilhelm Wohni om Johhan Kussala kõrtsist wälja wenu, ja temma hobbesega parkseppa Mihkel Merk pole öses lännu; Wilhelm Wõhni tun-

nist sedda õige ollewat. -

Toisel hommungul maggamast ülles tullen om Johhan Kussal löudnu omma karman ümbre käänt ollewat nink rahha ärra kaddonu.

Wöörmönder Kurwitz om se assi perra kullelnu, mes ülle ta Merki laste käest olli kulnu, kea omma nännu, Johhan Kussala karmanit neide pole tullen õddangu ümbre käänt ollewat - sest om nätta, et se rahha ei olle mitte Mihkel Merk pool kaddonu ei ka sääl warrastedu, enge teed pitte õddangu sinna tullen. -

Mõistetu: Wilhelm Wohni olli Johhan Kussela seltsi mees ja ilma temma tahtmata warahe paika öses wenu, nink mitte koddo, kos neil olles olnu waja minna, seperrast kannap Wilhelm Wohni sest warrastedu Johhan Kussala 22 test rublast pole; ehk kül Wilhemil kiik se õigus olles olnu waja massa, selle et temma om(m)a seltsi meest öö ajal hulkma weije, ke jonu olli, kui ta ommete piddi temm warra ülle walma. -

Wilhl. Wohnu ei olle sellesinnatse kohto otsussega rahhu ja tahhap surembat kohhut käwwa. -

                            Kohtuwannemb:

                             Kohtumees J Pihho  XXX

                                     do         A Hurt  XXX

                                       do       P. Pihho  XXX

                            Kirjotaja P Blain