Gustaw Poim kaibap om perremehhe Fritz Wijandi, et perremees om tedda haina man hiusist kaknu, mees Jaan Warres om nän(n)u ke täl abbin  niitman om olnu.

Jaan Warres tulli ette, ja tunnist et Wijand om kül tedda weidi hiusist tõmmanu, selle et ta om omma hobbese, kedda ta hoitma piddi Johan Kahh röa kuhhilikke päle lasknu.

Wijand es wabbanda ka sedda mitte, ja üttel et ne hobbese omma jobba pool päiwa ümbre hulknu ta om temmal hobbesid käsknu ärra ajada nink om suud pruknu, selle om ta tedda hiusist tõmmanu.

Tõiselt kaibap Gustaw Poim, et ta om kõrtsi lawwa pääl üttel hommongul magganu, säält om perremees tedda mahha tõmmanu

Sedda tunnistap tõine sullene Johan Puistaj et ta ei olle mitte mahha tõmmatus sanu enge perremees om tedda ülles ajanu ja ennegi talle üttelnu egga sa ommen ülles tulle et sa jalle maggama heidat. 

Kolmalt kaibap ta et perremees olla tedda mitto kõrda pesnu, ent keake ei olle sedda nännu selle om tema iks allati surutse aja arwanu, kui keddagi sääl man ei olle olnu. -

Mõistetu: Awwalikko tunnistust, et temma Fritz Wijand´ist om pestu ei olle sanu, se päle ei woi Gustaw Poimale middagi mõistetus sada, kui ta tahhap omma perremeest iks eddesi tenida, tekko omma rijole ots, kui se ei sünni, tahhap ta ärra minna, peap Fritz Wijand Gustaw Poi-

male temma temma leppetu ajastaja palk masma. -

                           Kohtuwannemb: 

                           Kohtomees J Pihho  XXX

                                do   do    A. Hurt  XXX

                             Kirjotaja P. Blain