Pangodi koggokonna kohus sel 10 Oktobr 1875

man ollid

Päkohtomees Peter Küllaots

kohtomees Jaan Tilik

kohtomees Jaak Kotkas

Pangoti Mõisa Rentnik Peter Riewis tulli Ette nink kaibas, et temma sullane Johann Jocobsoon, tulnu pari näddala taggast Makohto mant koddo perrast tõise päiwa om tahto henast ärra puwwa kablaga, temma johtonu õkwa selle õnnetusele manno nink ärra keelnu; Temma Peter Riewis mõttelnu et temma wast nalja perrast peäs teggema päle selle nüüd sel 4 Oktob om jälle temma sullane Johann Jacobsoon sedda samma tempo tenno nink ni samma jälle temma manno sanu, et olles peä olnud ärra koolmas kabla otsas ripumas sis om sanu rutto wäedsega kabla katski tõmata sis ommete ello jänu. pallos koggokonna kohud et sedda asja selletusele ette wõttas

Ette saije kutsutus Soldat Johann Jacobson nink wastas küssimise päle, et kui temma keiserliko Silla kohto mant om tulnu sis om temma oma naise päle ärra pahanu selle perrast tahtnu ennast ärra puwwa, nink tõine kõrd om tõine mona mees temmal 4 kõrd lönu puu alloga nimmega Johann Brüde, selle perrast temma jälle wäega ärra wihastanu nink tahtnu ennast õkwa ülles puwwa, ent perremes Peter Riewis om manno tulnu nink mitte lasknu ärra koolda.

Ots

Et ni suggune kurri nink hirmus surma otsminne awwaligon kombele; ei olle koggokonna kohtol middagi moista: - Sis saab se assi uhe keiserliko Tarto Silla kohto ette moista nink selletada ette antus.

Pakohtomees Peter Küllaots

kohtomees Jaan Tilik

kohtomees: Jaak Kotkas