Wanna Koiolan, sel 5mal februar 1869

                     Kiik koggokonna kohhus koon.

Käbi kõrtsimees Johhan Kurrusk kaibap, et Jaan Andreimann nink Jakob Kooskord, olliwa haino ostmast sõiten Käbi kõrtsi tulnu. Kui ne mehhe omma kõrtsi tulnu, om tem(m)a essi kaupa müma lännu, ja naise maggama saatnu. Päle selle om ta ka suikma jänu

Kui ta om wirgunu sis om löudnu, et ne mehhe om(m)a kõrtsist ärra lännu ja kats puddelit napsi nink kast siggarit ärra warrastedu.

Seperrast arwap temma et Jacob Koskord nink Jaan Andreiman(n) omma neid ärra wenu. -

Kui na omma tulle ärra puhhasnuwa, nink koddo minnema nakkanu, sis omma weel kõrtimeest ke selsammal kõrral ülleswirgu Jummalaga jätnu. -

Jakob Kooskord kõnnelep, ke ütsikult saije küssitus, kui na omma eddimalt kõrtsi lännu, kumbgi ütte napsi wina ärra jonu, ja ei olle perran sedda tuld keaki ärra puhhasnu  Kui na olliwa kauba sanu ja koddo tulnu sis om ka kõrtsimees ärra maggama lännu, kui na jummalaga jätten kõrtsist ärra tulliwa

Jaan Andreimann saije ette kutsutus, ke ka nisamma tunnistas kui Jacob Kooskord.

Se tunnistus saije Johhan Kurruskile ette loetus, ke koik üttel õige ollewat, ent et Jaan Andreiman(n) om perra kõrtsi jänu, kui Jacob Koos-

kord

Mõistetu: Kõrtsimehhe henda wälja ütlemisse perra et ta maggama jäi, wõisewa ka mu wõra innemisse perran neid kõrtsi tulla ja ne üllewal nem(m)etedu asja ärra wõtta. Nink et märastki kormast tunnistust ei olle olnu, seperrast om kõrtsimehhe kaibusse Jaan Andreimanni nink Jakob Kooskord wasta koggoni tühjas arwatu.

Johan Kurrusk ei olle sega rahhu ja tahhap surembat kohut käwwa.

                           Kohtowannemb

                           Kohtomees A. Hurt

                            do      do    P. Kärik

                          Kirjotaja P. Blain