Mõts Kaddaja krono mõtsawaht Wreman(n) kaibap, et temmale om lepnu Hindrek Moisto, ke kui rentnik too ma pääl ellap, 15 rubl renti massa.- temma om ennegi mõnne päiwa tennu ja om üttessa rubl. ommast leppitu rendi hin(n)ast mõtsawahhile masmata jätnu. Om weel pälegi, kui Wremannan om temma pale sedda rahha otsma lännu, tedda kui omma perremeest kelle kaest ta weel wõtmist masmisse perrast piddi pallema, koige naisega hirmsal kombel läbbi silmitanu.

2. Mõtsawaht Wremann om weel ka seperrast Hindrek Moistol Jacob p. 1867 aast. üllewelt, et tem. peab tullewa kewwaja Jurri p. Mõts Kaddaja ma päält ärra minnema, et ta ei wõi mitte ütte riidleja innemissega ütten ellada.

1. Hindrek ütlep et se ei olle õige et Wremann om renti otsin sõimata sanu.

2. Et temma ei olle mitte lepnu 15 rubl aast. mass. enge 11 rubl om neil leppitu olnu. -

moistetu: Hindrek Moisto, ke om(m)a leppitu rent om masmata jätnu, peap se tassa teggema ja kui temmal motsawahhiga eddesi ellada leppingut ei sa, peab temma ülles ütlema: se perra tullew. kew. Jürrip. om(m)a wäike kottus käest ärra andma. -

                                   Kohtuwannemb

                                   Kohtomees A Hurt

                                       do    do    P Kärik

                                   Kirjotaja P. Blaik