Sel 22. Webruaril
Jaan Hawist kaipas sisse, et Hindrik Sohwa om tedda kõrwu päle russikuga pesnu nink temma naist Marri trotsnu ja roppu sõnnu üttelnu nink ka pitsitanu.
Jaan Hawist andse tunnistajis ülles: Johann Zimmer ja Isak Wallner.
Sel 2. Märtsil
olli kohto päiw nink Jaan Hawistu kohto een kaipust es wõi mitte selleperrast ette wõetus sada, et Johann Zimmer es olle koddon nink Hindrik Sohwa es tulle ka kohto ette.
Sel 9. Märtsil.
olli kohto päiw nink Jaan Hawist ja temma naine Marri olliwa siin kohto een nink andsewa omma kaipust sisse, ja ka weel tunnistajid ülles: Ado Kassak ja Taitse Ado Waltin, mõllemba Karrola wallast.
Sel 9. Märtsil.
Jaan Hawist kaipas siin koggokonna kohto een Waltina rentniku Hindrik Sohwa päle: "Minno naine Marri läts mäele kõrtsi mannu ütte kattald ostma, nink om kõrtsi kauba tarre astnu, kon kõrtsimees Jaan Assi ja temma täddi, (üts wanna naiste rahwas) Hindrik Sohwa ja Johann Zimmer tarren een olnu. Hindrik Sohwa ja Johann Zimmer omma wiina jonu nink minno naise Marrile ka wiina juwwa paknu. Selle päle om Hindrik Sohwa minno naise kinni wõtnu nink om tedda tahtnu sällile pengi päle mahha kända, ent minno naine om kigest jõuwost wasta pandnu, selle päle oma Hindrik Sohwa nakkanu minno naise rindu (Bruste) wälja kiskma nink om selle man paljo häbbemata sõnnu üttelnu mes üttel risti innemissel ei sünni siist wälja üttelda, nink om weel ka Hindrik Sohwa üttelnu: "Kulle möldre prowwa! minna tahha kaeda kas sinna poig last ehk tüttär last saate ilmale tooma, sedda tunne minna naiste rahwa rinna otsadest (Brustmarzen) ärrä." Minno naine Marri om selle häbbemata tööle kangeste wasta pandnu, mes päle Hindrik Sohwa omma sullast Jakob Waltina om appi kutsnu nink om Jakobil käsknu minno naise kässi kinni piddata, nida et Hindrik Sohwa olles wõinu omma ette wõetu häbbemata tööd ärrä tetta. Kui minno naine Hindrik Sohwa käest olli wallale päsnu, tulli temma alla nink kaiwas minnole omma õnnetust, mes temmale mäel kõrtsi man Hindrik Sohwa om tennu nink tetta tahtnu, nink kaipas ka minnole, et temma nida suggutse sure wõitlemisse nink wäggiwaldse wasta pannemisse man om suurt haiget sanu, nida et kige ihho luide sissed wallo om. Selle päle läts minno naine sängi päle ja oigas kõwwaste."
Jaan Hawistu naine Marri astus koggokonna kohto ette nink kaipas nida sammute sõnna sõnnani kui Jaan Hawist, temma mees, om sisse kaiwanu.
Jaan Hawist kaipas ka weel Hindrik Sohwa päle, et Hindrik Sohwa om tedda armetumal wisil kõrwo möda pesnu. Jaan Hawist kaipas nidati "Kui minno naine Marri weskiwwi mannu alla tulli nink minnole omma õnnetust olli kaiwanu, lätsi minna mäele kõrtsi mannu nink tahtse Hindrik Sohwaka kõnnelda, mes tempu temma minno naiseka om tennu. Wallawannemb Johann Zimmer olli kõrtsi man, nink minna kaipasi temmale kik sedda, mes Hindrik Sohwa minno naisele om üllekohhut tennu nink tetta tahtnu. Johann Zimmer kostis minnole: "Minnol ei olle sellega teggemist, konnela essi Hindrik Sohwaka." Sis läts Johann Zimmer een Sohwa tarre nink minna temma taggan. Kui Hindrik Sohwa minno kaipust kuuldse, sis karras temma ülles nink nakkas minno kõrwo päle pesma russikadega, wimate köudiwa nemma minno kapluka kinni nink minna olli 4 ehk 5 tundi käe sälja tagga kinni köudetu. Sel kõrral kui Hindrik Sohwa minno pesse nink kinni köutse, olliwa sääl man: Wallawannemb Johann Zimmer, Hindrik Sohwa ja temma naine, Ado Kassak, soldat Zille Anzow ja Jakob Waltin.
Sel 10 Märtsil
om koggokonna kohtu nimmel Karrola wallawallitsussele kirri No. 46 sadetu, ne tunnistaja Ado Kassak kui ka Taitse Ado Waltin sija, ses 16. Märtsis koggokonna kohto ette tallitada.
Sel 16. Märtsil
olli kohto päiw. Jaan Hawist ja temma naine Marri olliwa kohto een. Hindrik Sohwa, Johann Zimmeri ja Isak Wallneri (kaipus) tunnistuse saiwa Protokolli ülles wõetus.
Ne Karrola koggokonnast tunnistaja Ado Kassak ja Taitse Ado Waltin es olle se paiwal sija kohto ette tulnu. Selleperrast et neid katte tunnistajit pudus olli, es woi ka sel 16 Märtsil kohto otsust anda.
Jaan Hawist andse weel tunnistajis ülles: Zilli Ott Altosaar Sangastest, Jaan Assi ja Jakob Waltin.
Sel 16. Märtsil.
Waltina rentnik Hindrik Sohwa astus koggokonna kohto ette nink temmale om se Jaan Hawiste nink temma naise Marri kaipus ette loetu (kuuludedu). Selle päle kostis Hindrik Sohwa: "Minna ei olle sedda Jaan Hawistu naist Marri omma kätteka putnu, ei ka temmale middake tennu, enge malja juttu olle minna kül temmaka kõnnelnu. Jaan Hawist tulli õddakult kella 8se ajal minno maggamisse tarre, minna olli jo henda rõiwa ümbrelt ärrä pandnu nink olli sängin, kui Jaan Hawist sisse tulli; se eddimenne kõnne olli Jaan Hawistul: "Kuis sinna tohhit minno naist trotsi, teotada nink häbbemata tööd tetta." Selle päle ütlesi minna Jaan Hawistule: "Mes juttu sinna ajat, ja nida lärmitset minno majan." Selle Jaan Hawistu roppu juttu päle sai minna wäega wihatses. Jaan Hawist tulli minno sängi liggi nink minna andse Jaan Hawistule kats kõrwa lopsu, mes päle Jaan Hawist minnole ni kõwwaste lei, et minna kappi kõrwale nukka mahha kukkusi. Kui minna ülles saistasi kutse minna omma poisi Jakob Waltina omma tarre nink laskse Jaan Hawistu kablatega kinni köuta, mes päle ka meije tülli otsas olli.
Tunnistaja wallawannemb Johann Zimmer astus kohto ette nink tunnistas nidate: "Minna istse kõrtsi letti lawwa taggan tooli pääl kui Jaan Hawistu naine Marri kõrtsi kauba tarre sisse astus. Hindrik Sohwa ütles: "Kuulge möldre prowwa, tulge jooge teije ka napsi." Selle päle kostis Jaan Hawiste naine: "Minna napsi ei tahha." sis ütles Hindrik Sohwa: "Kuulge wanna prowwa! näuta minnole ommi rinna otse (Brustwarzen), säält om tutta, kas poig- ehk tüttärlast saate ilmale tooma.
Selle päle lätsi minna ärrä Annemõisale; kui minna Annemõisast Waltina taggasi tulli, sis tulli Jaan Hawist minno mannu nink kaibas minnole omma naise Marri õnnetust nink häddä. Minna ütli Jaan Hawistule: "Sellega ei olle minnol middake teggemist, kõnnela essi Hindrik Sohwaka; minna lätsi Jaan Hawistuka Hindrik Sohwa tarre. Sääl ütles Jaan Hawist Hindrik Sohwale: "Sinna ollet minno naise ärrä narrinu, minno naine om allan weski tarren sängin haige nink zibberdas (zuzzelt) kui waggel.
Selle päle kargas Hindrik Sohwa sängist ülles nink ütles Jaan Hawistule: "Oh sinna Jummala sunnink (Gottverdammt) kas minna sinno naise huur olle!" ja leisi Jaan Hawistule kats kõrd kõrwa päle; selle päle leisi Jaan Hawist Hindrik Sohwale ütte kõrwa hoobi nida et Hindrik Sohwa nukka mahha kukkus. Hindrik Sohwa karras maalt ülles nink wõtse Jaan Hawistu hiusist kinni ja tahtsewa õige kõrra perrast kakkelda. Minna ütlesi neile: "Poisi! püssike paigal, se ei lähha kõrda mes teije teed,." minna kutse Isak Wallneri, ja Hindrik Sohwa kutse õmma poisi Jakob Waltina tarre sisse, nink Jaan Hawist sai kapluga kinni köudetus. Päle too jäiwa mõllemba rahhule, nida kui kik muu innimesse."
Tunnistaja Isak Wallner astus kohto ette nink andse tunnistust: "Kui wallawannemb Johann Zimmer minno Hindrik Sohwa tarre kutse, sis näggi minna et Hindrik Sohwa Jaan Hawistule põsse (Wange) päle käega leije; Johann Zimmer ja minna keeldsime neide kakkelust. Minna lätsi Sohwa tarrest ärrä edde kõrtsi. Kui minna tõine kõrd Sohwa tarre lätsi, sis köudeti Jaan Hawistul käe kapluga kinni. Kinnikeutja olliwa: Soldat Zille Anzow ja Jakob Waltin. Päle Jaan Hawistu kinni köutmist tulli minna Sohwa tarrest ärrä wälja, ja nakkasi koddo minnema. Muud ei tija minna ennamb tunnistada.
Sel 23. Märtsil
olliwa siin koggokonna kohto een ne tunnistaja, Jaan Assi ja soldat Zille Anzow; neide tunnistus om Protokolli ülles kirjutedu.
Sel 23. Märtsil
koggokonna kohto nimmel tõine kirri No. 56 Karrola wallawallitsussele, neid tunnistajid Ado Kassak ja Ado Waltin sel 2. Aprillis selle kohto ette tallitada. Nida sammute ka Sangaste wallawallitsussele kirri No. 57 sedda tunnistajat Ott Altosaar ses 2. Aprillis sija kohto ette tallitada.
Tunnistaja Jaan Assi astus kohto ette nink andse tunnistust: "Kella 11ne ajal enne lõunat tulli Jaan Hawistu naine Marri mäele kõrtsi mannu ütte kattald ostma, minna olli kõrtsi letti lawwa taggan nink Hindrik Sohwa ja Johann Zimmer olliwa ka kõrtsi kauba tarren. Hindrik Sohwa ostse ütte pole nakla napsi, jõie essi ja andse ka Johann Zimmerile juwwa. Selle päle astus Jaan Hawistu naine Marri ülle läwwe kauba tarre sisse, mes päle Hindrik Sohwa Johann Zimmerile ütles: "ärrä joo kike napsi ärrä, anna möldre prowwale ka, sest temma saap poiga ilmale tooma." Johann Zimmer küssis: "Kust sinna sedda tunnet;" nink Hindrik Sohwa kostis: "sedda tunne minna selgest ärrä, kui kurra rinna ots must om, saap poig, kui hää rinna ots must om, saap tüttar ilma tullema." Selle päle wõtse Hindrik Sohwa Jaan Hawistu naise Marri kinni nink käändse se naise Marri pengi päle sällite mahha nink kiskus naise rinna (Bruste) wälja. Se naine pandse kigest jõuwost wasta. Selle päle kutse Hindrik Sohwa omma poisi Jakob Waltin appi kinni piddama, ent se naine Marri ütles: "Jakob, sinnol ei olle minnoga middake teggemist, sinna minno ei tohhe kinni piddata." Hindrik Sohwa piddas sedda naist weel kinni nink tahtse ikkes selle naise rindu wäljä kisku. Wimate laskse Hindrik Sohwa selle naise wallale nink naine läts kõrtsist wäljä. Johann Zimmer saistas ülles nink ütles: "Minnol om waja Annemõisa minna. Hindrik Sohwa om üts lorro ja lobba suu, ütle minna, ja muu rahwas sawa ka seddasamma ütlema." Johann Zimmer läts ärrä Annemõisa, Sohwa läts omma tarre nink Jaan Hawistu naine Marri olli ka jo koddo ärrä lännu."
"Õddakult kella 6 ajal tulli Jaan Hawist mäele kõrtsi mannu. Koosa Hindrik ostis Jaan Hawistule 2 Kopka eest wiina, kui se wiin olli ärrä joodo, sis läts Jaan Hawist kõrtsist wälja. Minna ei wõi üttelda, kas weski manno ehk Sohwa tarre. Minna Jaan Hawistu kinni köutmist nink ka temma pesmist es näe, ja es kuule ka neide riidlemissest middake, selleperrast, et sel õddakul olli paljo rahwast kõrtsin, neidel olli suur kärrä nink lärm. Muud ei tija minna middake ennamb tunnistada.
Tunnistaja soldat Zille Anzow astus kohto ette nink tunnistas: "Minna olli kõrtsi kauba tarren nink kuuldse et Sohwa tarren suur kärra nink kakleminne olli. Karrola mees Ado Kassak ja minna lätsime Sohwa tarre usse ette; tarre ust piddas üts sissest poolt kinni. Ado Kassak tükkis wäggisi ussest Sohwa tarre, ent minno es lasta tarre sisse; perran sedda lasti Isak Wallner Sohwa tarre nink minna ka lätsi Isak Wallneri perran sisse. Jaan Hawist saise Sohwa tarren nink Hindrik Sohwa saise temma een, ja mõllemba riidlesiwa. Ado Kassak sais usse kõrwal nink Johann Zimmer istus tooli pääl lawwa man. Kui Isak Wallner sisse läts Sohwa tarre, utles temma: "Poisi, püssike paigal se tülli ei olle hää." Sis ütles Johann Zimmer: "Mes sinnol selle asjaka teggemist om, kül meije essi sellega kõrda saame." Isak Wallner ja ka minna lätsime Sohwa tarrest ärrä wälja. Jaan Hawist es olle weel sel silmapilgul kinni köüdetu; perrast kui Jaan Hawist olli kinni köüdetu, läts Johann Zimmer alla weskiwwi mannu sedda Jaan Hawistu naist kaema, kui suurt wigga Jaan Hawistu naine Marri om sanu. Minna lätsi ka alla weskiwwi mannu nink olli sääl tarren kon se Jaan Hawistu naine sängin maan oigas. Jaan Hawist olli kül rohkemb kui 4 tundi Sohwa tarren kinni köudetu. Muud ei tija minna middake ennamb tunnistada.
Sel 2. Aprillil
olliwa siin kohto een ne tunnistaja Jakob Waltin, Ado Kassak, Ado Waltin ja Ott Altosaar; neide tunnistusse omma sel täämbatsel päiwal Protokolli ülles kirjutedu.
sel 2. Aprillil.
Tunnistaja Ado Waltin astus kohto ette nink tunnistas: "Minna istse kõrtsin Zilli Ott Altosaar'eka kõrwi pengi pääl, sis kuuldse minna et möldre Jaan Hawist Sohwa tarren appi kutse; meije tahtseme Sohwa tarre minna, se appi hõikamisse päle, ent ust peeti kinni nink meid es lasta Sohwa tarre. Wimate tulli Sohwa ommast tarrest wälja ja pandse omma käe minno rindu wasta ja es lasse minno sinna tarre, enge üttel: "Sinnol ei olle sinna middake asja -- minna anni kül möldre Jaan Hawistule 6 kõrwa hoopi." Muud ei tija minna middaki ennamb tunnistada."
Tunnistaja Ado Kassak astus kohto ette nink tunnistas: "Ado Waltin tulli alla weskiwwi mannu nink ütles minnole: "Möldre Jaan Hawistut pessetas Sohwa tarren ja tedda tahhetas ka kinni (panda) köüta." sis lätsi minna Ado Waltin'aka mäele kõrtsi mannu nink tahtse Sohwa tarre sisse minna, ent ust piddas soldat Zille Anzow kinni; minna tükse wäggisi Sohwa tarre sisse. Kui minna tarre sisse sai, karras Hindrik Sohwa minnole wasta nink tahtse minnole lüwwa, enge minna ütli Sohwale: "ärrä löö mitte;" mes päle Sohwa ütles: "uh ha! Sinna ollet Ado Kassak." Sohwa tarren olliwa: soldat Zille Anzow (kes Sohwa tarre ust kinni piddas, nida et muud rahwast sisse es pässe.), Isak Wallner, Jakob Waltin, Johann Zimmer, Jaan Hawist, Hindrik Sohwa ja temma naine. Päle selle nakkas Hindrik Sohwa omma poisi Jakob Waltin'ika Jaan Hawistut kinni köütma. Jaan Hawist tõukas mittu kõrd Hindrik Sohwat henda mant kaugele ärrä nink üttel: "Jätta minno jo ütskõrd rahhule." Wimate kui Jaan Hawist jo olli kinni köudetu, lätsi minna Sohwa tarrest wäljä nink Johann Zimmer tulli ka minno perran Sohwa tarrest (wäljä) ärrä. Jaan Hawist jäi Sohwa tarre kinni köudetu penki päle istma. Muud ei tija minna middaki ennamb tunnistada.
Tunnistaja Ott Altosaar astus kohto ette nink tunnistas: "Minna istse edde kõrtsin pengi pääl nink kuuldse et Sohwa tarren suur kärrä nink riedleminne olli. Muud ei tija minna middake ennamb tunnistada.
Tunnistaja Jakob Waltin astus kohto ette nink tunnistas: "Kui minna kõrtsi kauba tarre lätsi, sis iste Johann Zimmer letti lawwa taggan nink Sohwa istus letti lawwa pääl, ja Jaan Hawiste naine Marri saise letti lawwa otsan. Minna es näe selle Jaan Hawistu naise Marri kiskmist ja es kule ka neide juttust middake.
Õddakult kutsuti minno Sohwa tarre nink kästi Jaan Hawistut kinni köüta. Soldat Zille Anzow piddas Jaan Hawistut kinni, ja minna köutse Jaan Hawistu käe säljä tagga kinni kapluga. Kui Jaan Hawist jo olli kinni köudetu, käskse Hindrik Sohwa minno Nesmõtza Isak Hawistu perra, nink kui minna Nesmõtz'ast taggasi tullin, olli Jaan Hawist jo kabladest wallale pästetu. Muud ei tija minna ennamb middake tunnistada.
sel 2. Aprillil
olli Jaan Hawist ja temma naine Marri sija kohto ette tulnu, ilma et neid olli kohto ette tallitedu. Kui Jaan Hawistu käest sai küssitus, mes temmal nüüd kohto man asja om, sis ütles Jaan Hawist, et temma tahhap Protokolli wälja wõtta nink tahhap Kihhelkunna kohhut pallelda, omma kaipusse asja selletada.
Selletus.
Jaan Hawistule, et se temma kaipusse päle siin koggokonna kohto een Hindrik Sohwa wasta ei wõi enne mõistetus nink selletedus sada, kui Hindrik Sohwa ommast suremban kohto käumissest ehk wangist saap wallale saama.
Jaan Hawistu palwe päle om temmale ka se Protokoll wälja antus, nink temmale ka ne Lihwlandi Tallorahwa Sädusse §§. 773. 774 aasta 1861 ette kuulutedu, mes tähhele tullep panda, kui surembat kohhut tahhap pallelda.
Päkohtomees Märt Lüüs
Kohtomees Jaan Reiljan
" Sahkri Pik
" Ado Puusep
" Karl Wallner
Copia an Ein Kaiserliches VIIte Doerptsches Kirchspielsgerichts d. 9. April 1871.
Sel 22. Webruaril
Jaan Hawist kaipas sisse, et Hindrik Sohwa om tedda kõrwu päle russikuga pesnu nink temma naist Marri trotsnu ja roppu sõnnu üttelnu nink ka pitsitanu.
Jaan Hawist andse tunnistajis ülles: Johann Zimmer ja Isak Wallner.
Sel 2. Märtsil
olli kohto päiw nink Jaan Hawistu kohto een kaipust es wõi mitte selleperrast ette wõetus sada, et Johann Zimmer es olle koddon nink Hindrik Sohwa es tulle ka kohto ette.
Sel 9. Märtsil.
olli kohto päiw nink Jaan Hawist ja temma naine Marri olliwa siin kohto een nink andsewa omma kaipust sisse, ja ka weel tunnistajid ülles: Ado Kassak ja Taitse Ado Waltin, mõllemba Karrola wallast.
Sel 9. Märtsil.
Jaan Hawist kaipas siin koggokonna kohto een Waltina rentniku Hindrik Sohwa päle: "Minno naine Marri läts mäele kõrtsi mannu ütte kattald ostma, nink om kõrtsi kauba tarre astnu, kon kõrtsimees Jaan Assi ja temma täddi, (üts wanna naiste rahwas) Hindrik Sohwa ja Johann Zimmer tarren een olnu. Hindrik Sohwa ja Johann Zimmer omma wiina jonu nink minno naise Marrile ka wiina juwwa paknu. Selle päle om Hindrik Sohwa minno naise kinni wõtnu nink om tedda tahtnu sällile pengi päle mahha kända, ent minno naine om kigest jõuwost wasta pandnu, selle päle oma Hindrik Sohwa nakkanu minno naise rindu (Bruste) wälja kiskma nink om selle man paljo häbbemata sõnnu üttelnu mes üttel risti innemissel ei sünni siist wälja üttelda, nink om weel ka Hindrik Sohwa üttelnu: "Kulle möldre prowwa! minna tahha kaeda kas sinna poig last ehk tüttär last saate ilmale tooma, sedda tunne minna naiste rahwa rinna otsadest (Brustmarzen) ärrä." Minno naine Marri om selle häbbemata tööle kangeste wasta pandnu, mes päle Hindrik Sohwa omma sullast Jakob Waltina om appi kutsnu nink om Jakobil käsknu minno naise kässi kinni piddata, nida et Hindrik Sohwa olles wõinu omma ette wõetu häbbemata tööd ärrä tetta. Kui minno naine Hindrik Sohwa käest olli wallale päsnu, tulli temma alla nink kaiwas minnole omma õnnetust, mes temmale mäel kõrtsi man Hindrik Sohwa om tennu nink tetta tahtnu, nink kaipas ka minnole, et temma nida suggutse sure wõitlemisse nink wäggiwaldse wasta pannemisse man om suurt haiget sanu, nida et kige ihho luide sissed wallo om. Selle päle läts minno naine sängi päle ja oigas kõwwaste."
Jaan Hawistu naine Marri astus koggokonna kohto ette nink kaipas nida sammute sõnna sõnnani kui Jaan Hawist, temma mees, om sisse kaiwanu.
Jaan Hawist kaipas ka weel Hindrik Sohwa päle, et Hindrik Sohwa om tedda armetumal wisil kõrwo möda pesnu. Jaan Hawist kaipas nidati "Kui minno naine Marri weskiwwi mannu alla tulli nink minnole omma õnnetust olli kaiwanu, lätsi minna mäele kõrtsi mannu nink tahtse Hindrik Sohwaka kõnnelda, mes tempu temma minno naiseka om tennu. Wallawannemb Johann Zimmer olli kõrtsi man, nink minna kaipasi temmale kik sedda, mes Hindrik Sohwa minno naisele om üllekohhut tennu nink tetta tahtnu. Johann Zimmer kostis minnole: "Minnol ei olle sellega teggemist, konnela essi Hindrik Sohwaka." Sis läts Johann Zimmer een Sohwa tarre nink minna temma taggan. Kui Hindrik Sohwa minno kaipust kuuldse, sis karras temma ülles nink nakkas minno kõrwo päle pesma russikadega, wimate köudiwa nemma minno kapluka kinni nink minna olli 4 ehk 5 tundi käe sälja tagga kinni köudetu. Sel kõrral kui Hindrik Sohwa minno pesse nink kinni köutse, olliwa sääl man: Wallawannemb Johann Zimmer, Hindrik Sohwa ja temma naine, Ado Kassak, soldat Zille Anzow ja Jakob Waltin.
Sel 10 Märtsil
om koggokonna kohtu nimmel Karrola wallawallitsussele kirri No. 46 sadetu, ne tunnistaja Ado Kassak kui ka Taitse Ado Waltin sija, ses 16. Märtsis koggokonna kohto ette tallitada.
Sel 16. Märtsil
olli kohto päiw. Jaan Hawist ja temma naine Marri olliwa kohto een. Hindrik Sohwa, Johann Zimmeri ja Isak Wallneri (kaipus) tunnistuse saiwa Protokolli ülles wõetus.
Ne Karrola koggokonnast tunnistaja Ado Kassak ja Taitse Ado Waltin es olle se paiwal sija kohto ette tulnu. Selleperrast et neid katte tunnistajit pudus olli, es woi ka sel 16 Märtsil kohto otsust anda.
Jaan Hawist andse weel tunnistajis ülles: Zilli Ott Altosaar Sangastest, Jaan Assi ja Jakob Waltin.
Sel 16. Märtsil.
Waltina rentnik Hindrik Sohwa astus koggokonna kohto ette nink temmale om se Jaan Hawiste nink temma naise Marri kaipus ette loetu (kuuludedu). Selle päle kostis Hindrik Sohwa: "Minna ei olle sedda Jaan Hawistu naist Marri omma kätteka putnu, ei ka temmale middake tennu, enge malja juttu olle minna kül temmaka kõnnelnu. Jaan Hawist tulli õddakult kella 8se ajal minno maggamisse tarre, minna olli jo henda rõiwa ümbrelt ärrä pandnu nink olli sängin, kui Jaan Hawist sisse tulli; se eddimenne kõnne olli Jaan Hawistul: "Kuis sinna tohhit minno naist trotsi, teotada nink häbbemata tööd tetta." Selle päle ütlesi minna Jaan Hawistule: "Mes juttu sinna ajat, ja nida lärmitset minno majan." Selle Jaan Hawistu roppu juttu päle sai minna wäega wihatses. Jaan Hawist tulli minno sängi liggi nink minna andse Jaan Hawistule kats kõrwa lopsu, mes päle Jaan Hawist minnole ni kõwwaste lei, et minna kappi kõrwale nukka mahha kukkusi. Kui minna ülles saistasi kutse minna omma poisi Jakob Waltina omma tarre nink laskse Jaan Hawistu kablatega kinni köuta, mes päle ka meije tülli otsas olli.
Tunnistaja wallawannemb Johann Zimmer astus kohto ette nink tunnistas nidate: "Minna istse kõrtsi letti lawwa taggan tooli pääl kui Jaan Hawistu naine Marri kõrtsi kauba tarre sisse astus. Hindrik Sohwa ütles: "Kuulge möldre prowwa, tulge jooge teije ka napsi." Selle päle kostis Jaan Hawiste naine: "Minna napsi ei tahha." sis ütles Hindrik Sohwa: "Kuulge wanna prowwa! näuta minnole ommi rinna otse (Brustwarzen), säält om tutta, kas poig- ehk tüttärlast saate ilmale tooma.
Selle päle lätsi minna ärrä Annemõisale; kui minna Annemõisast Waltina taggasi tulli, sis tulli Jaan Hawist minno mannu nink kaibas minnole omma naise Marri õnnetust nink häddä. Minna ütli Jaan Hawistule: "Sellega ei olle minnol middake teggemist, kõnnela essi Hindrik Sohwaka; minna lätsi Jaan Hawistuka Hindrik Sohwa tarre. Sääl ütles Jaan Hawist Hindrik Sohwale: "Sinna ollet minno naise ärrä narrinu, minno naine om allan weski tarren sängin haige nink zibberdas (zuzzelt) kui waggel.
Selle päle kargas Hindrik Sohwa sängist ülles nink ütles Jaan Hawistule: "Oh sinna Jummala sunnink (Gottverdammt) kas minna sinno naise huur olle!" ja leisi Jaan Hawistule kats kõrd kõrwa päle; selle päle leisi Jaan Hawist Hindrik Sohwale ütte kõrwa hoobi nida et Hindrik Sohwa nukka mahha kukkus. Hindrik Sohwa karras maalt ülles nink wõtse Jaan Hawistu hiusist kinni ja tahtsewa õige kõrra perrast kakkelda. Minna ütlesi neile: "Poisi! püssike paigal, se ei lähha kõrda mes teije teed,." minna kutse Isak Wallneri, ja Hindrik Sohwa kutse õmma poisi Jakob Waltina tarre sisse, nink Jaan Hawist sai kapluga kinni köudetus. Päle too jäiwa mõllemba rahhule, nida kui kik muu innimesse."
Tunnistaja Isak Wallner astus kohto ette nink andse tunnistust: "Kui wallawannemb Johann Zimmer minno Hindrik Sohwa tarre kutse, sis näggi minna et Hindrik Sohwa Jaan Hawistule põsse (Wange) päle käega leije; Johann Zimmer ja minna keeldsime neide kakkelust. Minna lätsi Sohwa tarrest ärrä edde kõrtsi. Kui minna tõine kõrd Sohwa tarre lätsi, sis köudeti Jaan Hawistul käe kapluga kinni. Kinnikeutja olliwa: Soldat Zille Anzow ja Jakob Waltin. Päle Jaan Hawistu kinni köutmist tulli minna Sohwa tarrest ärrä wälja, ja nakkasi koddo minnema. Muud ei tija minna ennamb tunnistada.
Sel 23. Märtsil
olliwa siin koggokonna kohto een ne tunnistaja, Jaan Assi ja soldat Zille Anzow; neide tunnistus om Protokolli ülles kirjutedu.
Sel 23. Märtsil
koggokonna kohto nimmel tõine kirri No. 56 Karrola wallawallitsussele, neid tunnistajid Ado Kassak ja Ado Waltin sel 2. Aprillis selle kohto ette tallitada. Nida sammute ka Sangaste wallawallitsussele kirri No. 57 sedda tunnistajat Ott Altosaar ses 2. Aprillis sija kohto ette tallitada.
Tunnistaja Jaan Assi astus kohto ette nink andse tunnistust: "Kella 11ne ajal enne lõunat tulli Jaan Hawistu naine Marri mäele kõrtsi mannu ütte kattald ostma, minna olli kõrtsi letti lawwa taggan nink Hindrik Sohwa ja Johann Zimmer olliwa ka kõrtsi kauba tarren. Hindrik Sohwa ostse ütte pole nakla napsi, jõie essi ja andse ka Johann Zimmerile juwwa. Selle päle astus Jaan Hawistu naine Marri ülle läwwe kauba tarre sisse, mes päle Hindrik Sohwa Johann Zimmerile ütles: "ärrä joo kike napsi ärrä, anna möldre prowwale ka, sest temma saap poiga ilmale tooma." Johann Zimmer küssis: "Kust sinna sedda tunnet;" nink Hindrik Sohwa kostis: "sedda tunne minna selgest ärrä, kui kurra rinna ots must om, saap poig, kui hää rinna ots must om, saap tüttar ilma tullema." Selle päle wõtse Hindrik Sohwa Jaan Hawistu naise Marri kinni nink käändse se naise Marri pengi päle sällite mahha nink kiskus naise rinna (Bruste) wälja. Se naine pandse kigest jõuwost wasta. Selle päle kutse Hindrik Sohwa omma poisi Jakob Waltin appi kinni piddama, ent se naine Marri ütles: "Jakob, sinnol ei olle minnoga middake teggemist, sinna minno ei tohhe kinni piddata." Hindrik Sohwa piddas sedda naist weel kinni nink tahtse ikkes selle naise rindu wäljä kisku. Wimate laskse Hindrik Sohwa selle naise wallale nink naine läts kõrtsist wäljä. Johann Zimmer saistas ülles nink ütles: "Minnol om waja Annemõisa minna. Hindrik Sohwa om üts lorro ja lobba suu, ütle minna, ja muu rahwas sawa ka seddasamma ütlema." Johann Zimmer läts ärrä Annemõisa, Sohwa läts omma tarre nink Jaan Hawistu naine Marri olli ka jo koddo ärrä lännu."
"Õddakult kella 6 ajal tulli Jaan Hawist mäele kõrtsi mannu. Koosa Hindrik ostis Jaan Hawistule 2 Kopka eest wiina, kui se wiin olli ärrä joodo, sis läts Jaan Hawist kõrtsist wälja. Minna ei wõi üttelda, kas weski manno ehk Sohwa tarre. Minna Jaan Hawistu kinni köutmist nink ka temma pesmist es näe, ja es kuule ka neide riidlemissest middake, selleperrast, et sel õddakul olli paljo rahwast kõrtsin, neidel olli suur kärrä nink lärm. Muud ei tija minna middake ennamb tunnistada.
Tunnistaja soldat Zille Anzow astus kohto ette nink tunnistas: "Minna olli kõrtsi kauba tarren nink kuuldse et Sohwa tarren suur kärra nink kakleminne olli. Karrola mees Ado Kassak ja minna lätsime Sohwa tarre usse ette; tarre ust piddas üts sissest poolt kinni. Ado Kassak tükkis wäggisi ussest Sohwa tarre, ent minno es lasta tarre sisse; perran sedda lasti Isak Wallner Sohwa tarre nink minna ka lätsi Isak Wallneri perran sisse. Jaan Hawist saise Sohwa tarren nink Hindrik Sohwa saise temma een, ja mõllemba riidlesiwa. Ado Kassak sais usse kõrwal nink Johann Zimmer istus tooli pääl lawwa man. Kui Isak Wallner sisse läts Sohwa tarre, utles temma: "Poisi, püssike paigal se tülli ei olle hää." Sis ütles Johann Zimmer: "Mes sinnol selle asjaka teggemist om, kül meije essi sellega kõrda saame." Isak Wallner ja ka minna lätsime Sohwa tarrest ärrä wälja. Jaan Hawist es olle weel sel silmapilgul kinni köüdetu; perrast kui Jaan Hawist olli kinni köüdetu, läts Johann Zimmer alla weskiwwi mannu sedda Jaan Hawistu naist kaema, kui suurt wigga Jaan Hawistu naine Marri om sanu. Minna lätsi ka alla weskiwwi mannu nink olli sääl tarren kon se Jaan Hawistu naine sängin maan oigas. Jaan Hawist olli kül rohkemb kui 4 tundi Sohwa tarren kinni köudetu. Muud ei tija minna middake ennamb tunnistada.
Sel 2. Aprillil
olliwa siin kohto een ne tunnistaja Jakob Waltin, Ado Kassak, Ado Waltin ja Ott Altosaar; neide tunnistusse omma sel täämbatsel päiwal Protokolli ülles kirjutedu.
sel 2. Aprillil.
Tunnistaja Ado Waltin astus kohto ette nink tunnistas: "Minna istse kõrtsin Zilli Ott Altosaar'eka kõrwi pengi pääl, sis kuuldse minna et möldre Jaan Hawist Sohwa tarren appi kutse; meije tahtseme Sohwa tarre minna, se appi hõikamisse päle, ent ust peeti kinni nink meid es lasta Sohwa tarre. Wimate tulli Sohwa ommast tarrest wälja ja pandse omma käe minno rindu wasta ja es lasse minno sinna tarre, enge üttel: "Sinnol ei olle sinna middake asja -- minna anni kül möldre Jaan Hawistule 6 kõrwa hoopi." Muud ei tija minna middaki ennamb tunnistada."
Tunnistaja Ado Kassak astus kohto ette nink tunnistas: "Ado Waltin tulli alla weskiwwi mannu nink ütles minnole: "Möldre Jaan Hawistut pessetas Sohwa tarren ja tedda tahhetas ka kinni (panda) köüta." sis lätsi minna Ado Waltin'aka mäele kõrtsi mannu nink tahtse Sohwa tarre sisse minna, ent ust piddas soldat Zille Anzow kinni; minna tükse wäggisi Sohwa tarre sisse. Kui minna tarre sisse sai, karras Hindrik Sohwa minnole wasta nink tahtse minnole lüwwa, enge minna ütli Sohwale: "ärrä löö mitte;" mes päle Sohwa ütles: "uh ha! Sinna ollet Ado Kassak." Sohwa tarren olliwa: soldat Zille Anzow (kes Sohwa tarre ust kinni piddas, nida et muud rahwast sisse es pässe.), Isak Wallner, Jakob Waltin, Johann Zimmer, Jaan Hawist, Hindrik Sohwa ja temma naine. Päle selle nakkas Hindrik Sohwa omma poisi Jakob Waltin'ika Jaan Hawistut kinni köütma. Jaan Hawist tõukas mittu kõrd Hindrik Sohwat henda mant kaugele ärrä nink üttel: "Jätta minno jo ütskõrd rahhule." Wimate kui Jaan Hawist jo olli kinni köudetu, lätsi minna Sohwa tarrest wäljä nink Johann Zimmer tulli ka minno perran Sohwa tarrest (wäljä) ärrä. Jaan Hawist jäi Sohwa tarre kinni köudetu penki päle istma. Muud ei tija minna middaki ennamb tunnistada.
Tunnistaja Ott Altosaar astus kohto ette nink tunnistas: "Minna istse edde kõrtsin pengi pääl nink kuuldse et Sohwa tarren suur kärrä nink riedleminne olli. Muud ei tija minna middake ennamb tunnistada.
Tunnistaja Jakob Waltin astus kohto ette nink tunnistas: "Kui minna kõrtsi kauba tarre lätsi, sis iste Johann Zimmer letti lawwa taggan nink Sohwa istus letti lawwa pääl, ja Jaan Hawiste naine Marri saise letti lawwa otsan. Minna es näe selle Jaan Hawistu naise Marri kiskmist ja es kule ka neide juttust middake.
Õddakult kutsuti minno Sohwa tarre nink kästi Jaan Hawistut kinni köüta. Soldat Zille Anzow piddas Jaan Hawistut kinni, ja minna köutse Jaan Hawistu käe säljä tagga kinni kapluga. Kui Jaan Hawist jo olli kinni köudetu, käskse Hindrik Sohwa minno Nesmõtza Isak Hawistu perra, nink kui minna Nesmõtz'ast taggasi tullin, olli Jaan Hawist jo kabladest wallale pästetu. Muud ei tija minna ennamb middake tunnistada.
sel 2. Aprillil
olli Jaan Hawist ja temma naine Marri sija kohto ette tulnu, ilma et neid olli kohto ette tallitedu. Kui Jaan Hawistu käest sai küssitus, mes temmal nüüd kohto man asja om, sis ütles Jaan Hawist, et temma tahhap Protokolli wälja wõtta nink tahhap Kihhelkunna kohhut pallelda, omma kaipusse asja selletada.
Selletus.
Jaan Hawistule, et se temma kaipusse päle siin koggokonna kohto een Hindrik Sohwa wasta ei wõi enne mõistetus nink selletedus sada, kui Hindrik Sohwa ommast suremban kohto käumissest ehk wangist saap wallale saama.
Jaan Hawistu palwe päle om temmale ka se Protokoll wälja antus, nink temmale ka ne Lihwlandi Tallorahwa Sädusse §§. 773. 774 aasta 1861 ette kuulutedu, mes tähhele tullep panda, kui surembat kohhut tahhap pallelda.
Päkohtomees Märt Lüüs
Kohtomees Jaan Reiljan
" Sahkri Pik
" Ado Puusep
" Karl Wallner
Copia an Ein Kaiserliches VIIte Doerptsches Kirchspielsgerichts d. 9. April 1871.
