Wanna Koiola koggokon(n)a kohtun, sel 11mal aprilil 1868.

Jakob Plakso kaibap, et Jakop Puik om tedda sõimama nakkanu, kui ta ommi sapit om määrnu, täuda wargas nink weel mitmel muul wijel. -

Jakop Plakso om tedda üttelnu, muid sa sõimat kül wargas, essi ollet sinna katte läsja naise kirstul käunu, nink mehhitse puu ärra kisknu; - 

seperrast om sis tedda Jakop Puik ütte sure nuijaga lönu.

Jakob Puik ei wabbanda ka mitte et tem(m)a lei, seperrast om sedda tennu et Jako wastulinne om nakkanu tedda eddimalt sõima, ni kui üllewan kaibussen om nim(m)etedu.

Tunnistaja Otto Lutz sellet,et Jakop Puik om eddimalt sõimama nakkanu, om(m)a täuta wargusse perrast; ent sest et Jakob Plakso täudust olnes warrastnu, sest ei tija temma kõige wahhembat.

Jakob Plakso nõwwap Jakob Puik käest, om(m)a kätte sure nuja lögieest, et tem(m)a terwus, se labbi rikkut perran sedda mitto aiga haige olnu, nink nüüdgi weel õige terwel kõrral ei olle, 10 rbl.

Mõistetu: Jakop Puik, ke Jakop Plaksut, tunnistusse perra, eddimalt om sõimanu ja weel 2 kõrd palegi nuijaga lönu, kumba ka ta essi ei salga; massap tem(m)a § 1098 perra Plaksole 3 rbl, saap trahwis 15 witsa löki, kumbe ka tem(m)al rahhaga lubbatas massa, mes katte naddali perrast ses mastet peap ollema; ent Jakobile peap taambatsel päiwal ärra masma. -

                            Kog. kohtuwannemb. J Pihho

                                         Kohtumees Peep Tobre´

                                 Abbi kohtumees Mihkel Kurwitz

                                Kirjutaja P Blaik