Mõtsawaht Peter Jaanson and selle koggokon(n)a kohtu een Peter Pikko krono mõtsast puu tomisse perrast tunnistajast, et tem(m)a om

2 koiwo paewas mahha lasknu ja tahtnu sissam(m)a ärra tuwwa, ent mõtsawaht om sedda ärra kulnu, agga Peter Pikk om siski ne kõiwo oddangu ärra tonu.

Peter Pikk wastutap, et tem(m)a om ne kõiwo mõtsawahhi omma lubbaga säält tonu, selle et tem(m)a Peter Jaansoon om tem(m)a poja käest 108 rbl kätte sanu, kumba tema olli Mihkel Liiwamaele lainanu, selle hä teo eest et tem(m)a om(m)a rahha ni rutto katte saije, kumba tälle Josu walla platsi osta ni ainulikkult waja olli, om Jaanson tedda jo mitto kord kutsnu kõiwo puid otsma, ja üttelnu õkwa nim(m)elt, "min(n)ol om 2 koormat kõiwe sulle walmis raotu tulle wi nem(m)a ärra. Kui Peter Pikk om Wõrrole soitnu, sis om tem(m)a Jaansoniga kokko sanu ke tedda om kutsnu jalle neid kõiwe otsma, ja ei salga mitte et tem(m)a neid pakke ei olle tonu.

Kohtomees Ado Hurt om ülle kaenu, mõtsa herra kässu päle, ja löudnu, et 4 koiwo pakku om(m)a Pikke Peetre pool olnu.

Moistetu: Seperrast et Peter Pikk essi üttel 4 pakku krono mõtsast tonu ollewat, ja teedse kui wan(n)a mees, et krono mõtsawahhil es olle lubba kõiwe lubbata, ja hä teggemiste eest kingi - et se om wargus, se wasta wotminne, ja ei olle ka üttegi kõrwmast tun(n)istust se ülle, et mõtsa waht tedda om kutsnu; peap mõtsa herra nõudmin(n)e ütte näddali eest 4,98 kopk ärra masma.

                 Koggokonna kohtuwan(n)emb J Pihho

                                               Kohtumees  Peep Tobree

                                               Kohtumees Mihk. Kurwitz

                                                Kirjutaja P Blaik