Wanna Koiola koggokonna kohtun Wissel, sel 11 april 1868.

Wanna Koiola perremees Juhan Pikk tulli ette ja kaibas et temma polemamees om lepmisse wisil Johanile omma maja õigusse ärra andnu, ni et Johan massap 120 rubl ja 5/3 alla rükka kats tem(m)a honit, märast tem(m)a essi tahhap, kartohwli ja röa male sitta 1 aasta päle 

Ja 50 rubl rahha, kedda temma Jaan Agganale om ärra masnu ja Jaan wasta wõtnu.

1 wastne ait ja maad röas 5/3 alla, küttist lubbap Johan Jaanil tetta 2/3 alla, kumb tem(m)ale ka jääp, ja kapsta maad. -

Jaan Aggan wastutap, et muido kül om ni neide leppingo olnu, et tem(m)a ollew kallimbast münu, kui Johan om ülles andnu.

Mõistetu: Sest et neide lepminne selge om ja wollade perrast Jaan Aggan ei wõi muwa ja pitta ja perrip Johan Pikk se tem(m)a pole maad, ni et üts täus tallo saap, ja ei tohhi en(n)amb kellegi sedda poolt maad anda.

Kui Johhan Pik ei jõwwa sedda poolt maad pitta, sis perrip Otto Aggan, se pole maad ilma rahhata, kii omma perrandust, selle et tema welle Adam nink Jaan ilma wallata se pole maad kaddo essalt Gustaw Aggana käest perrewa, ja nüüd wõlla perrast om(m)a maja oigust ärra müwa.

                       Kohtuwannemb J Pihho

                          Kohtumees Peep Tobree

                         Kohtumehhe abbi Mihk Kurwitz

                        Kirjotaja assemel J. Pihho