Wanna Koijola koggokonna kohtun Wissel, sel 13mal mail 1868.

Johhan Lentsius Ahja wallast nink Mihk. Piho kaibawa et Jaan Masik om Mihkel Kingo podi krami henda pole weddanu, 125 rbl eest.

2. Ollewat Jaan Masik kätte 1100 rbl tem(m)a rahhast sanu nink

3. Uts sõido wanker kedda Jaan ollewat hennele wõtnu, kui kaddonu Mihkel Kink weel elli.

1. Wastutap Jaan Masik, et temmal Mihkel Kingo käest sulla 68 rbl - nink 100 rbl aasta tenusk olli, mes eggaüts teedse, se teep kokko 

                                     Sum(m)a                                          -                              168 rbl

päle selle 3 wakka rükki a 4 rbl                             -                                           12  -

2 wakka karo a 2 rbl                                             -                                              4  -

2 mõtu keswi               a 1 rbl                                                -                             2  -

1 wak tatreka                                     -                                                                  4  -

                                                                          ------------------------------------------

                                                                                        Summa                        190 rbl

Se wasta om Mihkel Kingo käest Jaan Masik sedda rahha summa nõudnu, ent Mihkel Kink om üttelnu rahha mul anda ei olle, wõtta kaupa et meije tõine toisega tassa same. 

Sis om Jaan Masik kaupa wõtnu, nimmelt:

2 wakka nissu                  a 4 rbl                            -    8 rbl -

1/2 püttu heringit                  -                                    7  

4 punda rist heina semend  a 5 r                     -       8  -

2 leisikat Palm küündlit  a 5 r                       -           10  -

20 naela kohwi                          a 25 kop  -                5  -

6 pari rahkit        -                          -                            4 - 80 k

10 seddelka rihma   -                      -                           2  - 50  -

2 1/2 tossinat wäitsi                     -                             3  - 80 -

1 pä zukrat                                -                                  5  - 

                                  ----------------------------------------

                                                     Summa                    54 rbl 10 k.

Transport   54.10 k.

6 kübbarat                          -     7 rbl 80 kop

Kübbara lint arwat           -       1  -    -

5 pakki tulle tikka                 -   1  -   -

1 toop liikwat        -                   2  -    -

2 pipo arwatu              -           4.  -   50  -

                       --------------------------------

                           Sum(m)a:        70 rbl 40 kop.

2. 1100 rbl päle and Jaan Masik wastust, et Mihkel King om kül temma kätte nipaljo rahha andnu, selle mõttega, et ta olles henda pankrottis tennu; kui ta jälle om nakkanu perrast rahwale wälja masma om ta se rahha Mihkli hendale taggasi andnu, kumba ta wõlglassile wälja om ärra jagganu.

3. And Jaan Masik rattaste perrast (tunistust) wastust, et Mihkel om temma ratta hennele ärra wõtnu, selle et ta ni pea wastust es woi tetta, sest talle olli neid sõita waja ja om lubbanu sis wastsid assemele lasknu tetta ja om ka tennu. Nink teggi sedda ka tunnistaja Wisse seppa Jaan Pikka läbbi tõttes. -

Mõistetu: Seperrast et Mihkel King essi elli ja omma wõlga tassa teggi, kas rahha ehk kaubaga nink es olle sekõrd weel temma warra keaki kinni pandnu  - jääp se üllewel nim(m)etedu kraam, kumba Jaan Masik om tonu omma rahha wasta temma ommas.

1100 rbl omma temma wihholeisse tunnistanuwa, temma lell Mihkel Masik, ja temma sõssar (kaddonu kaupmehhe naine) Marri King. Se päle om wallawannemb S. Harms tunnistaja, ke neid riso asjo sellet - seperrast jääp Jaan Masik sest 1100 r. koggoni pri.

Kui kaupmees Mihkel Kingol weel 1100 rbl olles olnu, sis es olle ta mitte henda essi ärra ponu.

Wangrid peap Jaan Masik, selle et se asja päle selge tunnistus om, kui omma om(m)andust  - et wahhetedus saiwa. -

190 rbl, mes Jaan Masik rahha Mihkel Kingo käen olli, üllewel nimmetetu kauba hind 70 rbl mahha arwatu - ni et weel Jaan Masikel 120 rubl kaddonu Mihkel Kingo kungurssi hääst nõuda om . -

                                               Koggokonna kohtowannemb: J Pihho

                                                                  Kohtumees  Peep Tobree´

                                                                        do  do   Thomas Häm(m)alan(n)e

                                                    Kirjotaja: P Blaik