Wanna Koiola koggokonna kohtus Wissel, sel 1. junil 1868.

Liis Heumo, omma eestsaisja Peter Konnaga, kaibawa Jaan Oina päle, et ta om minnewa aasta ööajal Liso maggauste lännu, ja om melitama nakkanu, lubbanu tedda ärra wõtta- naises - kui temmaga häbbitööd nakkat teggema; se lubbamisse päle, et Jaan Oina tedda ärra lubbas wõtta, om temma ka perra andnu. Ent wimate om lats sanu, ja Jaan Oina ei olle mitte tedda ärra wõtnu, nõwwap Liis Heumo omma eest-

saisjaga Jaan Oina käest latse kaswatamisseks 100 rublat.- 

Jaan Oina wastutap, se kaib usse päle, et temma kunnagi ei olle Liis Heumo man käunu, ei ka tedda putnu kõwwa wabbandamissega. -

Liis Heumo pand se manno tunnistajas Mari Käiso. Marri Käis, kui naiste rahwas, es olle woimalik kohto ette tulla, and wöörmondre A. Hurta läbbi se asja ülle tunnistust, et Jaan Oina om kül sinna käunu, ja Liis Heumo om tedda maggauste sisse lasknu. Ent tood temma ei olle nännu, et häbbutööd om(m)a tennuwa.

II  Tunnistaja Juhhan Konna (Liso poolt) tunnistas, et temma omma sõssare saja oddagu Jaan Oinaga Konna morro pääl kõnnelnu, ja ei olle nännu, kost tem(m)a perrast läts, Liso Heumo manno wai mitte, kui ta säält ärra tulli, om weel Jaan Oina pulma poisidega jutto ajama sinna jänu.

Liso H. eestsaisja Peter Konna tunnistap ka weel et Jaan Oina küppar Kon(n)a maija om sanu, mink ülle Johhan Kon(n)a tunnistust and, et tõtse om se kübbaraga ümbre käunuwa. -

Jaan Oina wastutas se kübbara perrast et se om parhilla Johhan Lutsu kaen, kellest teedmist woip sada, kost se küppar om wälja tekkinu.

Liso eestsaisja Peter Konna ütles ka weel, se kõrd, kui se küppar temma maija om tekkinu, et Jaan Oina temma poolt ilma kübbarata nannu koddo minewat.

Liis Heumo pannep weel henda poolt tunnistajas, An Pütt, (ke tol kõrral 14. aastat wanna olli) üttel, Jaan Oina om kolm ööd Liso Heumo man olnu ja om üts kõrd kuulnu, kui Jaan om kiusanu. -

Mõistetu: Seperast, et üttegi selget täwwelikko tunnistust ei olle, ja Jaan Oina kangest ärra wabbandap, mitte tem(m)aga ellanu ollewat. Jääp Jaan Oina § 948 p. sest 100 rubla (nõudmissest) masmisest pri: - et temma essi henda ei olle sees latse essas tunnistanu, ei olle ka muide tunnistajide läbbi tõttes sanu. -

                                 Kohtowannemb J Pihho

                                       Kohtomees Peep Tobree  XXX

                                       Kohtomees Thomas Häm(m)alän(n)e  XXX

                                              Kirjotaja P Blaik